熱爆娛樂: 小三慣匪　揭發手機親密短片　坤哥正印剷龔嘉欣：明知人有女朋友都黐埋去，好過份！ [壹週刊 - 1388] 坤哥,鍾嘉欣,嘉欣,小三,李嘉欣,龔嘉欣,手機平板,手機,M1,吳業坤

2016年10月13日星期四

小三慣匪　揭發手機親密短片　坤哥正印剷龔嘉欣：明知人有女朋友都黐埋去，好過份！ [壹週刊 - 1388] 坤哥,鍾嘉欣,嘉欣,小三,李嘉欣,龔嘉欣,手機平板,手機,M1,吳業坤

坤哥同王卓淇拍拖年半，女方不時將二人合照公開。

娛頭

小三慣匪　揭發手機親密短片　坤哥正印剷龔嘉欣：明知人有女朋友都黐埋去，好過份！

天生我才必有用！被踢爆姣溝楊明的龔嘉欣，原來係個慣匪；據了解，今年初她與坤哥合拍《愛•回家 II》，已做晒主動，試過一個暖包兩份用，即使知對方有個正印、 14年港姐亞軍王卓淇女友，一樣開晒 turbo，甚至上埋坤哥屋企自拍親密短片，最終被正印發現，喊住嗌分手。提起比自己名氣更盛的小三龔嘉欣，王卓淇語帶哽咽：「喺感情上，如果遇到呢種女人，係好痛苦！明知人哋有女朋友，都黐埋去好過分！」

迷上 43吋長腿

外表清純的龔嘉欣，被踢爆姣黐名草有主的楊明，因而搞喊正印莊思明；事實上，拍邊個就電邊個的龔嘉欣，更有鋪搞人男友癮，除了楊明中招，之前亦搞過同樣有女友王卓淇的「毒男」吳業坤，慣匪一名。

今年初，以一曲《原來她不夠愛我》威爆，橫掃樂壇頒獎禮的坤哥，被踢爆是個𠝹女無數的偽毒男，愛食散餐的他，原來一早已秘交有「碩士法拉」之稱的一四年港姐亞軍王卓淇。

據了解，二人是合作 J2台節目《安樂蝸》認識，其時坤哥對擁有四十三吋長腿的王卓淇極之嗒糖，節目拍到一半，已經成功上手溝掂對方。

去年拍《愛•回家》時，龔嘉欣主動黐埋去開始上位的坤哥，有女送上門，坤哥當然來者不拒。

坤哥未紅時，兩人有私底下合唱過《原來她不夠愛我》，更將短片放上網，關係好公開。

坤哥同王卓淇在 Ig內有不少留言對話。

坤哥早排開騷，王卓淇獲安排坐第一行，坤哥更專登去到她面前唱歌，地位超然。

一條心

但二人因擔心戀事會惹來公司高層施壓，再加上坤哥要扮「毒男」繼續吸女，所以一直冚密這段「港姐毒男戀」，就算拍拖，也只會到女方位於奧運站上蓋的浪澄灣寓所，或是在坤哥慈雲山的公屋屋企見面。

戀情密封，但王卓淇對男友一條心，就算坤哥不時有緋聞傳出，被收收埋埋的王卓淇，亦毫無怨言。

「雖然坤哥同卓淇玩地下情，但公司好多人都知佢哋拍緊拖。咪睇坤哥表面戇居居，其實好識冧女，有時開工提起坤哥， Erin（王卓淇）就一副春樣。」一名無綫人說。

登堂入室

星期一，龔嘉欣著住窄身白色衫，貼身到現晒 bra，到中環買生果。

去年底，坤哥同龔嘉欣合作《愛•回家 II》，姣精本性難移，一開始已對坤哥狂放電，一個暖包兩份用，甚至公然摸手仔，毫不避忌。

「莫講話對手，平日就算對住啲幕後工作人員，龔嘉欣講嘢都照樣高八度嗲爆！姣婆遇着脂粉客，點會撻唔着，但最初傳佢哋有嘢，坤哥對住 Erin都唔認㗎！點知龔嘉欣竟然登堂入室，上埋坤哥屋企，又自拍親密片，後來仲有啲肉麻 WhatsApp俾 Erin發現到，冇得抵賴。」知情者說。

偷食爆煲，王卓淇忍唔住同坤哥爆喊分手，不過，愛搞人男友的龔嘉欣習慣到手即棄，二人快來快去，坤哥亦火速翻兜王卓淇。

感同身受

對於龔嘉欣曾做「小三」，介入她與坤哥戀情，王卓淇反應決絕。

「我完全唔識佢！（有冇同過龔嘉欣傾過偈？）冇！一句都冇！」王卓淇說。

但提到龔嘉欣姣溝楊明，搞到正印莊思明喊晒，感同身受的王卓淇語帶哽咽。

「我以前喺感情上，如果遇到呢種女人係好痛苦，知道人哋有女朋友都係咁，真係過份！」

痛恨「小三」，但對正印莊思明，態度便大不同。

「我識 Liza（莊思明），但唔係好 close嗰種，大家有一齊出過活動，佢係好 nice嘅女仔，好值得擁有幸福。有時喺朋友聚會見到（同楊明），覺得佢哋好 sweet，希望佢哋甜甜蜜蜜，唔會俾第三者夾擊！」王卓淇說。

最近龔嘉欣不時自 post性感泳衣相，好豪放。

坤哥同龔嘉欣成日都玩得好埋，難怪王卓淇咁介意。

好在楊明同龔嘉欣劃清界線，表明只愛莊思明一個。

莊思明俾龔嘉欣明撬楊明，搞到好唔開心。

明明去做宣傳及出席陳智燊婚禮，但龔嘉欣偏偏話同楊明去度蜜月，搞到莊思明醋意大發。

碩士法拉

九十後的王卓淇（ Erin）現年只有 25歲，在廣州出生的她，於西英格蘭大學畢業後，再到薩里大學完成碩士學位。 14年參選香港小姐時，因貌似陳法拉而被封為「碩士法拉」，結果以大熱姿態奪亞軍。加入大台後，曾主持 J2台節目《安樂蝸》，最近被無綫欽點力捧開始劇接劇，拍過《愛情食物鏈》、《幕後玩家》及《全職沒女》等，被網民 like爆。