掃呢頁CODE去手機

2016年10月13日 星期四

Ben Sir落堂拖妻當街採礦 [壹週刊 - 1388] M1,

食指直插等過馬路,BenSir好想撩鼻屎,於是趁老婆望向另一邊,BenSir食指火速直插鼻窿進行挖掘工程。探熱針BenSir落堂拖妻當街採礦由《最緊要正字》、《學是學非》,到坐正的《BenSir學堂》,talk得演得又搞笑的49歲BenSir(歐陽偉豪),贏盡老中青粉絲,更被網民封為男神。鏡頭前,BenSir夠生鬼;鏡頭後,拖實教師老婆散步的他,卻在浪漫場口加映一幕當街「採礦」,夠晒真我!一手挖鼻 ...


食指直插

等過馬路, Ben Sir好想撩鼻屎,於是趁老婆望向另一邊, Ben Sir食指火速直插鼻窿進行挖掘工程。

探熱針

Ben Sir落堂拖妻當街採礦

由《最緊要正字》、《學是學非》,到坐正的《 Ben Sir學堂》, talk得演得又搞笑的 49歲 Ben Sir(歐陽偉豪),贏盡老中青粉絲,更被網民封為男神。

鏡頭前, Ben Sir夠生鬼;鏡頭後,拖實教師老婆散步的他,卻在浪漫場口加映一幕當街「採礦」,夠晒真我!

一手挖鼻一手拖老婆

Ben Sir做貼地學者,幕前走生鬼路線,落堂後,又如何?

上週二, Ben Sir放工,即孖住做小學教師的老婆撐枱腳,在空氣污染指數極高的銅鑼灣行了一陣,他便食指大動,準備「採礦」!

當街當巷,老婆又喺身邊住,但鼻哥不挖不快,機智的 Ben Sir先將手指放在唇上準備,一、二、三吼準老婆視線一離開自己,食指馬上鑽入「礦洞」,嚟個轉體兩周半。

正當挖得暢快之際, Ben嫂 Cindy的視線回歸, Ben Sir亦快速應變,及時將採礦中的食指拉出,並停在人中位扮痕,又扮掩鼻擋廢氣。自言流住星爺血的 Ben Sir,果然創意十足。

採礦任務未完, Ben Sir再一次睇準老婆擰轉面,拿拿臨用尾指鑽入礦洞執手尾,動作之快,「礦物」神不知鬼不覺間清走,全程未被 Ben嫂 Cindy察覺。左手採完礦, Ben Sir右手拖住老婆過馬路,左右手,分工仔細!

扮𡃁痕

點知老婆一個回望,令撩得暢快的 Ben Sir即剎停,食指放喺人中扮痕,果然轉數快

尾指再挖

趁老婆又擰轉面, Ben Sir把握時間出動手指尾鑽入鼻窿執手尾。當街「採礦」, Ben Sir好享受咁噃!

攬住行維園

鏡頭前,有 Ben Sir絕冇冷場。但鏡頭後,對住老婆原來好靜。是夜兩公婆去食上海菜, Ben Sir一邊開餐一邊諗嘢,同老婆沒太多交流。

飯後,去維園散步, Ben Sir Ben嫂,又攬又拖。之後去埋超市,由入貨、俾錢到將貨品逐件放入自備環保袋,全由 Ben Sir動手。

左手「採礦」,好在 Ben Sir堅持用右手拖老婆 Cindy,兩公婆結婚超過廿年,行街依然拖到實。

鏡頭後的 Ben Sir好浪漫㗎!同老婆醫完肚去維園散步,拖手、攬實呢啲 sweet動作全由佢做主動。

Ben Sir俾人話似朝偉,佢即喺 fb整張拼圖,相信連佢本人都有同感。

連續七日情人節

據了解,兩人當年在師範學院邂逅,已結婚超過廿年。 Ben Sir溝女,同教學一樣多花式。為將 Ben嫂 Cindy追到手,自製情人周,一連七日日日情人節,為對方炮製無限驚喜,最終成功將 Cindy私有化。

如今已是老夫老妻,被問另一半有何吸引之處? Ben Sir把口啷過油:「斯文、靚,咁樣囉!我哋呢啲好表面㗎,你點問我,都係話因為靚。」

近日大台俾佢孭飛做《 Ben Sir學堂》,雖然只得三集,未知能否添食,但解讀廣東話同粗口,雅俗共賞,網民 like爆。

在去年《學是學非》, Ben Sir的生鬼教學好出位,成節目亮點。

學富五車的 Ben Sir,現為中大中文系高級講師,先後在 95和 97年完成香港中文大學文學士及哲學碩士學位, 05年再獲香港科大哲學博士名銜,亦是英國語言學會的會員。

「 Ben嫂」 Cindy Chan亦是為人師表,據悉她在小學任教中文及音樂。

扮嘢王

歷代本土學者,有邊個好似 Ben Sir咁,為推廣本土文化玩到咁盡。

流住星爺血嘅佢,扮偶像冇難度。

《衝上雲霄》扮「 cool魔」,抵死搭夠。

扮楊過,老婆都話帥!

撰文、攝影、攝錄:娛樂組


鍾意就快D Share啦!