嘩！唔知仲有啲咩爆呢？
有線節目《娛樂熱辣辣》炮製八集「絕密真相」，揭露娛圈鮮為人知的秘密，節目請來藝人及主持邵仲衡、鄭啟泰、茜莉妹、翟浩然討論「四大癲王」蔡楓華、陳寶蓮、藍潔瑛及洪朝豐的秘聞。
邵仲衡曾與藍潔瑛拍劇，他指藍潔瑛性格剛烈，容易得罪人：「記得有次佢返到公司，顯得好暴躁，見到咩人都鬧，包括幕後工作人員。」談到藍潔瑛近年怪行依然受傳媒注目，邵仲衡說：「大約2000年前後，有朋友約我出嚟食飯，仲叫埋藍潔瑛，當時我見到佢言行舉止都好惘然。」
對於洪朝豐被傳是同性戀，邵仲衡表示：「我同洪朝豐一齊去過上海做嘢，佢向我展示一個鳳冠，問我靚唔靚，原來佢好鍾意演京劇反串角色。」茜莉妹更為洪朝豐「怒漢」之說平反謂：「我曾經訪問過佢，佢都承認自己之前有病，以為自己好番所以停咗藥，結果又再復發，佢話睇番以前啲訪問片都驚。」
蔡楓華成日鑽牛角尖
蔡楓華當年因嘲諷張國榮的一句說話「刹那光輝不代表永恒」，事業發展一路千丈，後來在訪問中多次語無倫次，對此翟浩然指：「其實譚詠麟成日開導佢，而盧敏儀更加出心出力幫佢搞演唱會，但佢成日鑽牛角尖，咩都諗到人哋唔好，搞到最後盧敏儀都同佢反面。」
對於陳寶蓮一脫成名，但最終卻走上自殺絕路，翟浩然說：「陳寶蓮曾經同台灣富商黃任中拍拖，不過黃任中講過將女人分為八個等級，而陳寶蓮只係屬於契女。後來佢哋分咗手，好多人話陳寶蓮做咁多古怪行為，只係為咗吸引契爺嘅注意。」
來源 source: http://hk.on.cc
|
鍾意就快D Share啦！
|
|
|
