熱爆娛樂: 追城趕霖　余文樂 600萬晒命 [壹週刊

2016年10月13日星期四

追城趕霖　余文樂 600萬晒命 [壹週刊 - 1388] 余文樂,M1,

余文樂又有新歡喇！早前他出動價值 600萬灰色 McLaren 675LT到跑馬地食飯。

娛樂偵訊

追城趕霖　余文樂 600萬晒命

做潮人，換辣車！余文樂成功被加入郭富城、沈嘉偉、張智霖富貴朋友圈，唔想俾人話菠蘿鷄，短短幾年間，樂仔戰車換完一部又一部，愈換愈貴。

最近，余文樂又有「新玩具」！九月尾落地，價值接近 600萬的「 McLaren 675LT」。成層會走嘅磚頭隨街泊，「新玩具」灰色流線型，兩邊車門揭起，型到呢！成功引來路人艷羨目光。 600萬，抵晒！

由潮人到車癡

余文樂傍住郭富城、沈嘉偉等，身家億億聲的有錢朋友飲飲食食，為進一步同大家拉近距離，有共同話題，樂仔將自己包裝做潮人，更加變埋車癡。

幾年間，車庫不停有新成員加入，包括平治 C63、林寶堅尼、寶馬 5系、平治 G63、 Jeep Wrangler，全部落地有聲。

「自從同阿王（郭富城）、 Chilam佢哋埋堆之後，幾年入面，樂仔起碼換咗十部新車，大部分仲係限量版，全部過百萬起跳。唔同嘅係，人哋買車一炮過，佢就上會月供。」知情者透露。

多得《春嬌》帶挈，余文樂搣甩「爛片王」稱號， keep住有戲拍外，在內地亦長做長有。

身家雖然不及身邊有米朋友，但搵得到，樂仔就有藉囗「自我獎勵」。

「新玩具」灰色流線型，兩邊車門揭起，好有型！

身家冇得比！但余文樂經常有機會黐住郭富城、沈嘉偉、張智霖等陪飲陪食。

一季買一架

今年初，買入價值三百萬 911 GT3RT「波子」跑車，年中再用二百萬買多架 Audi。

最近又出手！「新寵」係價值近六百萬的「 McLaren 675LT」，灰色車身，矜貴之處在於全球限量五百部，香港得十架。有「輕功王」之稱的 675LT，車重只有 1230kg，再配合 675ps馬力的 3.8L Twin Turbo引擎，堪稱「辣跑之王」。

六百萬周街擺

新車到手，余文樂急不及待晒命，在 ig放相留言：「 welcome home」，跟住更即刻帶「新歡」遊街。

當晚，余文樂約了朋友到跑馬地開餐，「新玩具」求其隨意泊，大街大巷，十分招搖！行過街坊，都忍不住停低望兩眼！

食完飯，記者上前恭喜余文樂再做車主，他只笑笑口講「 Bye Bye」，未有多作回應，之後就揸住「新歡」，絕塵而去！