除咗重要部位有得遮之外，件衫嘅其他位置都係透視㗎！
藝人莊思敏以一身透視裝出席代言美容產品活動，盡騷線條美，認真吸睛！她直認全身只得一條打底褲，可算是真空上陣，她直言：「幾日冇食嘢。（晒優質股喎。）做多咗啲運動，令pat pat結實啲。」
笠假髮異性緣激增
早前因電影角色需要而「剷青」的她，今日披上假髮增添女人味，效果十分理想。對此她得戚謂：「呢個假髮係喺韓國拍廣告時用嘅，我『笠』咗返嚟。長髮幫到手，好多失蹤咗嘅異性朋友出現番，又多咗男仔望。（有冇人追你？）唔係嘅，吹吓水啫，不過其中一個有女友嘅男性朋友，竟然要求攞我廣告嘅人形紙牌返屋企擺，佢話唔似平日嘅我。」
妹妹被網絡欺凌感詫異
談到其家早前裝修引起的漏水餘波，她表示：「成件事畀媒體曝光後，裝修師傅忽然現身，但死都唔肯執埋啲手尾。我要等到完全唔落雨先至可以再解決件事，我覺得佢蝦我哋得幾個女人仔。」對於妹妹莊思明之前自爆遭網絡欺凌，她則謂：「我冇留意件事，但唔明點解佢咁嬲、咁睇唔開。佢依家拍拖開心，唔應該發脾氣，自己開心咪得囉。」
來源 source: http://hk.on.cc
|
鍾意就快D Share啦！
|
|
|