楊怡婚前婚後都咁忙，呢日終於有時間update微博多謝大家祝福！
新婚夫妻羅仲謙同楊怡喺前日（2日）拉埋天窗，擺酒當晚可謂星光熠熠，陣容勁過台慶，去唔到飲嘅朋友都喺網上向兩人送祝福！而一對新人連日嚟都忙過不停，仲攰到冇時間洞房，不過阿怡終於喺今日凌晨更新微博，再次多謝各位嘅祝賀！
楊怡上載咗一張較早前影嘅婚照，謙謙仲開心到飛起，佢留言：「人生另一頁的開始，感謝大家的蒞臨，令我們的婚禮生色不少。抱歉未能逐一跟你們拍照道謝，但你們的祝福我們已收到了。衷心感謝並祝願每位幸福、快樂。再一次感謝各位親朋好友️️Cheers！」
另外，原來兩人送畀來賓嘅小禮物好有意思㗎！佢哋特別訂製永生花盒朱古力，而永生花同中間嘅鋯石代表住兩人「感情永恒不變」！唔少網民都祝福兩人早生貴子、新婚快樂咁話！
來源 source: http://hk.on.cc
|
鍾意就快D Share啦！
|
|
|