胡楓心痛太太，我們心痛胡太及胡楓。
胡楓（修哥）於下午五時許現身，在已轉任無綫企業傳訊部顧問的曾醒明及契女方國珊陪同下接受傳媒訪問。問到心情是否已平復？修哥哽咽表示：「辛苦晒各位，真係好抱歉，為咗我太太你哋咁辛苦。我太太係好有福氣，全屋企人、仔女、新抱、女婿、孫、曾孫都好孝順佢，佢臨走前全屋企人都見勻晒，我知佢個心好安慰，到佢臨終嘅時候，所有人都喺佢身邊，佢應該都好開心，佢到最後一口氣，佢係微笑嘅。」講到亡妻離開前一刻，修哥難掩悲慟，掩口欲哭。
「我個心非常唔安樂」
問到太太遺願，修哥表示：「佢遺願係低調，唔好搞咁多嘢，我亦估唔到會通晒天，我覺得好對佢唔住，所以我心係非常唔安樂，唯一安樂係佢走得微笑，雖然大家都唔捨得，全屋企人都唔捨得，不過，見到佢微笑，大家都好安慰。（太太離開時同佢講咗乜？）佢離開嗰刻，我就話『個個人都好乖，你放心去啦，唔係你會好痛』，多謝大家。」修哥說畢後便轉身進入電梯回到靈堂，更難掩淚水，一度傷心地抹去眼淚。
來源 source: http://hk.on.cc
|
鍾意就快D Share啦！
|
|
|