方力申同超蓮本來大欖都扯唔埋，全靠超蓮個好姊妹阿GEM做媒人，佢哋一撻即著，快過打針呀！
雖然方力申家境唔錯，但同超蓮真係兩個世界嘅人。但阿GEM見超蓮同吳克群分手後，對啲富二代追求者，包括霍啟山，興趣唔大，又明知佢鍾意靚仔，所以撮合佢同剛回復單身嘅方力申。
七月撻著，八月中阿GEM生日，佢哋就以情侶身份到賀兼謝媒。阿GEN喺ig話：「一群男人，和男人背後的女人。」漏晒口風。
為咗箝實女友，方力申連李蘊囡囡百日宴都坐足全晚，事關超蓮係bb個契媽吖嘛。
雖然越級挑戰成功，但方力申都好避忌，今次尼泊爾之旅，佢同超蓮都冇放對方嘅相上網。
不過佢始終血氣方剛，喺公眾場合對住超蓮都忍唔住手多多。喺尼泊爾機場拍佢膊頭，壁咚佢！傾傾下又拍佢膊頭，等攞行李都要摸下手臂，玩手機都要過下手癮。
唔知二人世界嘅時候，佢對手會放喺邊呢？
來源 source: http://s.nextmedia.com
|
鍾意就快D Share啦！
|
|
|