咁樣畀人趕法，相信范冰冰都係第一次！
大陸女星范冰冰憑新片《我不是潘金蓮》入圍本屆金馬獎影后，尋日佢就同導演馮小剛前往大陸武漢華中師範大學宣傳，點知上台亮相10分鐘左右就被趕離場，更傳有人遭要脅「不走就斷電」，嬲到馮小剛話：「對武漢留下不可磨滅的印象！」
安全問題遲到一個鐘
武漢的華中師範大學尋日提前放映《我不是潘金蓮》，並邀請導演馮小剛、范冰冰、作家劉震雲及方方等人搞「喜劇的挑戰」研討會，點知一開始台上就少咗張櫈，加上冰冰當時冇現身，大家都以為佢要缺席。之後冰冰終於見人，佢就解釋自己因為安全問題，喺學校門口等咗一個鐘，又喺台上連番道歉。
馮小剛爆料有人要脅「請」冰冰落台
之後冰冰上台10分鐘左右，主持人突然請佢落台，並謂：「因為有些小小的突發情況，冰冰姐需要稍事休息一下。」隨後就有工作人員請冰冰下台，搞到冰冰擘大對眼呆晒。跟住馮小剛就打斷主持人嘅說話：「這件事真不是我們可以控制的，現在是要范冰冰馬上離場，如果不離場就馬上斷電。」台下學生即群起抗議，范冰冰就反過來安撫大家，表示：「我覺得跟大家見面非常好，我也不知道到底為甚麼。」佢又提議若斷電能用蠟燭或手機幫助照明，但馮小剛就無奈表示：「算了，妳走吧！妳走吧！」
微博甫自拍報平安
有指當時范冰冰喊住離場，馮小剛之後亦冇心機再答問題，仲寸爆道：「這是我拍電影有生以來，頭一次見到這種事，讓我對武漢留下了不可磨滅的印象，謝謝大家！」事後冰冰凌晨三點就喺微博報平安：「沒事，都挺好的！都不容易！我也快到家了！」
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
來源 source: http://hk.on.cc
|
鍾意就快D Share啦！
|
|
|