肯搏肯做就一定出人頭地？梗係唔係啦，當年36D咪神麥家琪憑住一副好身材，唔只肯搏肯做，仲肯剝添，結果咪一樣係星運平平。
麥家琪當年參選93年港姐，可惜疑似佢嘅未成年裸照被雜誌刊登，或多或少同佢大熱倒灶不無關係。雖然裸照風波無影響佢之後晉身娛圈，但佢入行後嘅電影演出，好多都係圍繞住佢嘅驕人身材，性感到不得了，而02年嘅《偷窺無罪》入面更有大膽全裸戲份，仲玩埋女女添。
講真，麥家琪當年真係好放得開，雖然當年香港3仔都算蓬勃，好多女星都肯露肯剝，但又有邊個女星可以好似麥家琪咁，剃光頭咁大犧牲先？
點都好，而家麥家琪都已經上晒岸，小朋友都生咗3個喇，係近年先出返嚟主持下、出下騷、客串下電影，好似喺《鴨王2》入面做媽媽生咁，深溝依舊，風韻猶存，正過啲妹妹仔多多聲。
來源 source: http://s.nextmedia.com
|
鍾意就快D Share啦！
|
|
|