【東方日報專訊】資深演員鍾景輝（King Sir）患上大腸癌一期，幸及時發現並即入院治理，施微創手術後他已經出院回家休養，但電視劇與舞台劇等雙雙煞停，回歸劇組暫未有期。其愛徒陳國邦透露其康復進度良好，而早前合作話題劇《律政強人》的李佳芯亦祝King Sir早日康復。
年屆79歲的戲劇大師鍾景輝（King Sir）仍活躍於電視圈及舞台，早前他以身體抱恙為由，退出與愛徒陳國邦合演的舞台劇，有份參演的處境劇《愛．回家之八時入席》亦處休假階段。據知，King Sir是患上大腸癌第一期，幸及時發現並立即手術處理，目前已經出院回家休養。
例行檢查發現
《八》劇監製羅鎮岳透露，King Sir早於一個月前已向他請病假，而戲份亦暫時抽起，回歸劇組暫未有期：「King Sir依家係病假中，件事未見街時一直都想低調，因為想畀佢靜靜休養，唔想影響到佢休息，佢之前話身體唔係好舒服，要入院驗，發現要做手術，自己聽到都好唔舒服，覺得劇本係可以改，畀King Sir佢安心休息。（病假請到幾時？）冇話到幾時，佢幾時返都無任歡迎，對劇集影響唔大，相信觀眾會明白，現階段佢嘅戲份抽起咗，話佢角色去內地旅遊、學氣功。」
而其愛徒陳國邦則透露King Sir身體康復進度良好：「大腸問題已經處理好，佢係做微創手術，之後唔需要做化療，目前已經出院休養中。（係做定期檢查時發現？）係嘅，佢咁大年紀當然會做定期檢查，亦都好好運無意間發現到，可以盡快做處理。」
講到King Sir退出舞台劇，國邦說：「兩個星期後就要演出，對於一位剛做完手術嘅老人家，莫講係佢，就算係我都應付唔到，大家都係好專業嘅演員，（退演）當然唔會對劇團有影響。（期待King Sir康復回到幕前？）相信老師係唔會停，當然要睇佢康復情況，佢進度好好，依家已經行動自如。」
李佳芯撐宣傳冇異樣
據知，King Sir請假前正值劇集《律政強人》宣傳期，當時他表現未有異樣。同劇拍檔的李佳芯表示King Sir在幕前一向精靈示人，希望他早日康復，而李璧琦指King Sir當時顯得很精神，上落樓梯和回答問題都顯得中氣十足，她表示已透過群組問候對方：「收到呢個消息，覺得好突然，但知佢手術成功，希望佢快啲好番。」
是日精選
|
鍾意就快D Share啦！
|
|
|