捱足21年，陳展鵬終以《城寨英雄》拳佬一角撼贏郭晉安，成為出爐視帝。其實他讀無綫藝員訓練班入行，跟劉愷威和陳彥行是同學。他同朋友唱 K時，遇到 Blue Jeans的蘇德華，認為他唱歌不錯，並幫他錄了demo，最後簽了寶麗金。可惜97回歸後，翻版猖獗，唱片業不景。他未出過碟已成棄將，當時只出過一隻歌，收錄在雜錦碟。
發歌星夢不成，有兩、三年差不多零收入。他說：「我將自己擺到好高，唔想做低嘅嘢，跟住女朋友又走埋。」
人始終要食飯，加上他是獨生子，爸爸是消防員，媽媽做「車衣」，家境一般，不能不面對現實。
「好彩自細有好多長輩幫我，有個一齊打乒乓波嘅判頭，叫我跟佢落地盤，學做工程，一日三百五十蚊，試過連踩兩個禮拜，返朝七晚五，做咗半年，最後因為踩釘，隻腳腫晒先停。」陳展鵬說。
最迷茫的時候，陳展鵬更曾被寶麗金舊同事奚落，對方笑笑口跟他說：「馬都會失蹄墮馬嘅！」令他很不開心，也不明白對方為何要落井下石。他說：「我唔知佢點解要咁講，自己之前仲主動同佢 say hello。」
來源 source: http://s.nextmedia.com
|
鍾意就快D Share啦！
|
|
|