真係恭喜晒！
藝人龔嘉欣憑《幕後玩家》「爆喊大婆」一角奪得最佳女配角，喺台上爆喊，仲喊到扯晒蝦好激動，接受訪問時龔嘉欣表示：「因為好怕令人失望，之前好多人都預祝我攞獎，宣布一刻以為唔係我，佢哋就咁叫我上台，平時應該好隆重，我以為佢哋玩我，今日屋企做冬，爸爸都飛咗返嚟，知道佢哋有睇電視，所以特別感動。」被問及下一步係咪想攞女主角？龔嘉欣說：「係要諗點樣進步，有獎之後壓力好大，希望會做得更好。」
龔嘉欣透露在台上一刻個腦一片空白，唔記得咗多謝好姊妹姚子羚：「我拍呢套劇時佢咁啱整傷咗塊面，當時佢心情好難過，不過佢都有同我一齊分析個角色，呢啲真係好姊妹，（請食飯？）會，乜都得，可以得到真心嘅祝福係一件好感恩嘅事，之後都會請劇組一齊食飯，（預咗幾多錢？）冇所謂，咁多人恭喜我係開心事，幾多錢都得，呢個係面子問題。」事前一直畀人話係執二攤得到呢個角色，龔嘉欣表示從來唔會諗呢啲嘢，角色一向有不同人選，最後邊個演會有好多因素，接拍呢個角色演到有抑鬱，得咗獎之後都係一種釋放。
來源 source: http://hk.on.cc
|
鍾意就快D Share啦！
|
|
|