佗B貝安琪冧爆未婚夫：我哋從來唔鬧交！
樂壇天后謝安琪與老公為本漫畫嗌交，同是大肚婆、現懷孕七個多月的名模貝安琪（Ankie），冧爆表示未婚夫Simon對她無微不至，事事以她為先，問到大肚期間有否被對方激親？她笑說：「我哋從來唔鬧交，我哋相敬如賓，互相尊重。有咗之後，未婚夫好照顧我，我大住肚唔方便綁鞋帶，佢都會幫我綁。」她又指兩人雖欠一紙婚書，但跟夫妻無異：「我同佢識咗十幾年，本身係好朋友，拍拖時佢已經叫我老婆，佢喺朋友面前都介紹我係佢老婆。」雖然BB尚未出生，但Ankie已打算要BB學五種語言，包括廣東話、德文、法文、英文及普通話。至於夢想婚禮，Ankie希望舉行一個小型婚禮，只邀請親人與好友，但要有接新娘、跪地斟茶等中式儀式，她說﹕「我有朋友幫我設計婚紗，戒指會由Simon設計。」
另外，早前Ankie媽咪劉香萍到上海在七間大學為其執導的電影《一棵心中的許願樹》舉行首映時，獲觀眾賞識母女二人，劉香萍說：「有投資者，邀請我做下部電影嘅導演，仲話有個角色好啱Ankie演出。」
來源 source: http://orientaldaily.on.cc
|
鍾意就快D Share啦！
|
|
|