網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年12月14日 星期三

張繼聰爆「爭產」罵戰笑Kay似強盜 __,Kay,張繼聰,繼聰,謝安琪,

張繼聰與Kay爭漫畫,究竟邊個先係套書嘅主人呢?
張繼聰爆「爭產」罵戰笑Kay似強盜出名和謝安琪是恩愛夫妻的張繼聰,前晚突然在網上向謝安琪「開火」,兩公婆為一套日本著名漫畫《男兒當入樽》而展開「罵戰」,張繼聰更直言:「呢次真係天后都冇面畀!」事後張繼聰受訪時自爆「振夫綱」成功,謝安琪聽晒佢話!張繼聰與Kay爭漫畫,究竟邊個先係套書嘅主人呢?藝人張繼聰與歌手謝安琪(Kay)是圈中模範夫妻並育有一子張瞻,Kay今年年初宣布停工一年休息,今年九月本報率 ...


張繼聰爆「爭產」罵戰笑Kay似強盜

出名和謝安琪是恩愛夫妻的張繼聰,前晚突然在網上向謝安琪「開火」,兩公婆為一套日本著名漫畫《男兒當入樽》而展開「罵戰」,張繼聰更直言:「呢次真係天后都冇面畀!」事後張繼聰受訪時自爆「振夫綱」成功,謝安琪聽晒佢話!

藝人張繼聰與歌手謝安琪(Kay)是圈中模範夫妻並育有一子張瞻,Kay今年年初宣布停工一年休息,今年九月本報率先獨家披露Kay佗B女,雖然張繼聰工作忙得不可開交,但一有空檔時間便陪伴老婆,是圈中好男人代表。

振夫綱:套書我Keep硬!

近日二人為B女出世做準備,前晚約十一時張繼聰在社交網站自爆與Kay為了一套90年代紅極一時的日本漫畫《男兒當入樽》發生「口角」,張繼聰發文指執房期間找到《男》漫畫,但Kay殺出指自己才是漫畫擁有者,並揚言要將它送給別人,冇得留低!他留言:「搵番呢套對我成長有奠定性影響嘅珍藏出嚟。誰知有人同我爭拗咗好耐,振振有詞話係佢買嘅……嗰一刻,我覺得佢好陌生好似一個強盜,我阿媽話要讓吓老婆……我話OK,點知佢話送畀人反正我唔睇……Come on!佢唔明白,到我哋呢種年紀,入樽已經唔係用嚟睇,係用嚟供奉……男人嘅青春同熱血係唔可以畀人,Never!!呢次真係天后都冇面畀!我兜口兜面細細聲同佢講,套書我Keep硬!威呢!?」

對於老公公開指控,Kay不甘示弱,未知是否嬲到爆炸,事隔三小時即凌晨時份在張繼聰貼文中留言:「呢套入樽係我o架!當年我細本同大本版各一套,擺喺床邊陪我好多年,咪見到入樽就以為係自己嘅,好冇呀?」不少網友見狀分為兩黨,有支持張繼聰的網民叫他絕不可退讓!而力撐Kay的網友則叫張繼聰讓老婆,亦有網友表示天氣轉冷,「溫馨提示」張繼聰拎多張被準備做「廳長」,但亦有持中立的網友指可能一屋藏兩套漫畫。

傾掂數搵靚位「供奉」漫畫

張繼聰昨日接受本報電話訪問時自爆「振夫綱」成功,令漫畫有得留低:「都係生活情趣,我揭示到年輕夫妻嘅生活狀況,當然去到最後老婆都有聽我話畀我留番低,呢啲係青春回憶。睇佢斯斯文文原來都係入樽粉絲,大家又再認識深咗。」至於「輸家」Kay則表示到現在還未知道漫書的真正擁有者是誰,為消除張繼聰「怒氣」,將會好好「供奉」漫畫書:「因為我哋都有呢套漫畫,結咗婚之後唔知點解得番一套,佢順理成章唔會覺得呢套係我嫁過嚟嗰套。第二係佢覺得我唔睇,都要好好搵個地方供奉佢,我覺得轉贈畀他人仲好啦。依家套漫畫書仲喺度,其實我係諗住第時要擺兒童書,所以清咁啲書,依家張先生覺得咁緊要,我要騰出當眼而好隆重嘅位置擺呢一套漫畫書。」

採:音樂組

文:專案組


鍾意就快D Share啦!