還記得電影《逃學威龍》裏，那個體型瘦削、中間分界，作狀出昇龍拳打周星馳的小混混嗎？或許你喊不出他的名字，但看到其外貌就會有種似曾相識的感覺。他的名字叫謝偉傑（小妖），曾與周星馳、張家輝、郭富城等演對手戲，97年因舉家移民而退出娛圈，《蘋果動搞作》早前就找到他接受訪問談談近況。記者：倩宜、王連連 攝影：馮峰、Neo、仇志中17歲被星探發掘而加入娛樂圈，謝偉傑（小妖）曾於電影《逃學威龍》內嘲笑周星馳，又於《童黨之街頭霸王》內欺凌飾演富家子的郭富城。97年因與家人移民加拿大，小妖便退出娛樂圈，但4年後卻因當地生活太苦悶，而選擇獨自回流香港。提到於加拿大的生活，小妖說：「好悶，因為香港五光十色，無論幾夜都有嘢玩，但加拿大唔同，好似出去飲嘢咁，飲到點幾最興奮嗰陣就話要閂門，真係好無癮。」他指加拿大地大脈博，即使外出買碗麵也要揸車：「就算俾架車你，你都要識睇街名，同埋唔好以為好似香港咁，兜個圈會返到屋企，喺加拿大兜個圈分分鍾唔知會去咗邊。」2001年獨自回港後，小妖曾做過運輸、廚房等工作，問到他為何不重返演藝圈？他慨嘆說：「唔識人喇，以前識嘅人都唔見晒，你又要生活，所以咪做住運輸先，因為快靚正，做做下就覺得呢行(指演藝界)越嚟越疏遠。」現在任職私人司機的他，直言拍電影收入並不穩定，年青時還可以依靠家人，不用擔心住屋、生活等費用，但現時人大了，加上於香港無親無顧，故要腳踏實地打工賺錢：「拍戲係要冇負擔先可以拍，如果有負擔，你拍唔到。」提到昔日曾跟周星馳、張家輝、郭富城等演對手戲，問到現時還可有跟他們聯絡？小妖說：「無喇，因為佢哋太高喇！去到影帝級喇。」回想當初由藝人轉行當運輸，小妖坦言心情相當難受：「因為你自己曾經叻過，依家做呢啲，變咗睇低咗自己。」他表示起初旁人認出自己時，會低下頭不讓對方看見，但後來想通了，才大方承認。
|
鍾意就快D Share啦！
|
|
|