現年46歲的顏仟汶（Sophie），曾演出多套三級片，她與於2008年結婚的圈外人老公阿Lo一直相親相愛，兩口子在西貢互相扶持齊心經營餐廳，可謂模範夫妻。可惜好景不常，東網最近得悉她早前搬離西貢愛巢，更拍到她已經獨自搬進錦田居住，疑似因復出令兩人感情生變。Sophie接受專訪時坦言雖然仍未與對方正式簽字離婚，但雙方已經踏入分居狀態個多月：「絕對唔關我工作事，有朋友都覺得我拍番戲、圈子唔同咗而同先生分居，但係我想講我識我先生時，我比依家出名好多倍！」
講老公忍唔住喊
當Sophie回想與老公自拍拖一起度過的16年光陰，便開始哽咽，愈講愈激動的她更淚如雨下，指雖然感恩對方一直以來默默支持她，但兩人感情始終難以向外人道：「我選擇分居係因為我覺得同佢去到樽頸位，我唔想再惡劣落去，所以我提出分居。（有冇第三者？）好肯定冇。（有冇彎轉？）冇人知道聽日會發生咩事，但好想有個空間，令大家清楚自己有幾需要對方。有朋友好明白我，話『對鞋係着喺自己對腳度，啱唔啱着得自己知，最重要係行得舒服』。」
一頭短髮的Sophie看似硬淨前衞女性，但她指自己其實是對人歡笑背人愁，更自爆已服用情緒藥兩年，一日一次，但早前因工作忙而試過斷覆診、斷藥。雖然情況漸見起色，但在錦田獨居時仍然感到寂寞，悲傷情緒不時油然而生。
單拖行超市入貨
而東網亦拍得Sophie在錦田獨居的情況。日前，騎住單車的她便在下午約四時在錦田附近一間茶座歎下午茶，戴上眼鏡的她與平日的形象大為不同，所以不算有太多人認出她。食完番茄湯麵及飲完凍檸茶後，她推住單車到隔籬一間超級市場入貨。
揀完生果後，她在凍櫃面前駐足望完再望，諗了一陣卻未有啱心水的目標，便移師到飲品架，把幾支檸檬茶放入購物車後便找數回家。事後，她指自己搬入錦田是因為該區有不少好友居住，容易約朋友傾訴心事，亦鄰近家人可以有個照應。
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
|
鍾意就快D Share啦！
|
|
|