呢個故事好勵志，原來豬扒都可以變女神！今年20歲嘅日本少女高梨沙羅，年紀細細已經係日本滑雪女王，16歲就攞到世界冠軍名銜，堅唔嘢小！本身人哋見到佢，都只係覺得呢個小妹妹滑雪好叻，因為佢其貌不揚，講句衰啲成個鄉下妹咁，完全同靚扯唔上關係；但佢真係女大十八變，依家識打扮咗之後，變得勁可愛仲好有氣質，唔少日本巴打都高呼「我戀愛了」，仲話佢好似《你的名字》個女主角三葉，依家人氣堅高到不得了！
高梨沙羅由小學2年級就開始學滑雪，到12年參加國際滑雪聯盟嘅奧地利站賽事奪標，一躍成為世界冠軍，成為FIS歷史上最年輕世界盟主，堅犀利！喺2012-13賽季，佢囊括16輪入面嘅8個冠軍，再一次喺世界賽封后，話佢係滑雪女王一啲都冇誇張。
除咗賽績犀利，佢點樣「變靚啲」亦都成為焦點。幾年前高梨沙羅仲係個鄉下小妹妹咁，勁矮細皮膚又黑，但事隔幾年，佢成個輪廓出晒嚟，笑容勁可愛嗒得杯落，畀到巴打初戀嘅感覺，難怪佢人氣愈來愈勁，接廣告接到人都軟啦。
東網體育同你追實體壇每個精彩時刻！
http://bit.ly/2ecTF2A
來源 source: http://hk.on.cc
|
鍾意就快D Share啦！
|
|
|