網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年1月26日 星期四

華姐 政府主播 酒樓太子女 吳浩康女友來頭猛 [壹週刊 - 1403] __,華姐,吳浩康,浩康,M1,

早前Michelle跟吳浩康家人去鯉魚門食海鮮,已融入吳家。娛樂偵訊華姐 政府主播 酒樓太子女 吳浩康女友來頭猛昔日夜蒲「闖禍」,近年吳浩康修心養性,專心工作,被視后胡定欣、拿督女莊思敏、同門鍾舒漫戀過的他,最近更與全美華埠小姐的第二公主、華盛頓主播李昭南撻着,女友家人為海城大酒樓夜總會老闆之一。女友猛料有學歷,難得有情人嘅吳浩康發力!港美兩邊飛據了解,吳浩康(Deep)和女友李昭南(Michel ...


早前 Michelle跟吳浩康家人去鯉魚門食海鮮,已融入吳家。

娛樂偵訊

華姐 政府主播 酒樓太子女 吳浩康女友來頭猛

昔日夜蒲「闖禍」,近年吳浩康修心養性,專心工作,被視后胡定欣、拿督女莊思敏、同門鍾舒漫戀過的他,最近更與全美華埠小姐的第二公主、華盛頓主播李昭南撻着,女友家人為海城大酒樓夜總會老闆之一。女友猛料有學歷,難得有情人嘅吳浩康發力!

港美兩邊飛

據了解,吳浩康( Deep)和女友李昭南( Michelle)因為跟同一老師學唱歌而認識,雙方拍拖已有半年。廿七歲的 Michelle絕不是鬥靚攞獎花瓶,於加州大學戴維斯分校傳理系以高等榮譽畢業的她,一一年在華盛頓政府總部實習時,曾擔任新聞節目《 VA News This Week》主播;觀眾以退伍軍人和公務員為主,播出頻道包括 Pentagon Channel及其他公開頻道。

「 Michelle喺香港出世,父母係美國公民,所以中學同大學都喺美國讀。喺華盛頓政府總部實習嗰陣,本來政府請佢做長工,但 Michelle發覺自己最鍾意都係唱歌,所以決定回流返香港搵機會。

「佢中、英文同普通話都好流利,喺美國已經做過唔少司儀 job,因為開始多人搵佢做 MC,所以經常要香港美國兩邊飛。 Michelle喺香港仲有為荷里活電影做 casting director,幫手物色演員;而佢自己亦可以自彈自唱,仲有鋼琴、風琴、結他都好有水準,同阿 Deep好夾,佢有喺男友間音樂學校幫手。」知情人說。

Michelle Lee

Michelle去年參加全美華埠小姐選舉榮獲第二公主,同屆冠軍是黃嘉穎。

Michelle在華盛頓政府總部實習時,曾擔任新聞節目《 VA News This Week》主播。

Michelle有樣有身材又有學歷,吳浩康好福氣。

Michelle在美國有不少司儀和登台 job,早前便跟黎耀祥一起

出騷。

未來新抱仔

吳浩康已經三十三歲,恨飲新抱茶的吳父更當正 Michelle是準媳婦。早前,阿 Deep帶埋女友出席家庭聚會,到鯉魚門食海鮮;行經濕滑小巷時,阿 Deep攬住著高踭鞋的女友行,十分細心,沿途 Michelle跟吳父及阿 Deep姑姐有說有笑,相處融洽。之後一行人坐七人車返回阿 Deep麗港城屋企,愛錫 Michelle的阿 Deep繼續扶到實。

無論公事私事都經歷過高高低低的吳浩康,對自己能夠遇上 Michelle,極為珍惜。

被問女友來頭,吳浩康回應:「追佢嗰陣唔知佢咁多嘢,但佢確實好努力,讀書同做嘢都好勤力,唔只學歷同背景, Michelle對人對事都好上心,好有責任感。」

鯉魚門的小巷甚濕滑,吳浩康攬住 Michelle行,非常體貼。

Michelle本身住西半山,但當晚飯後她返男友屋企,吳浩康攬實上樓。

返回吳浩康住所時, Michelle幫他拎衫,絕無公主病。

吳浩康掛住同姑姐傾偈,被冷落的 Michelle仍笑笑口,搵其他親戚傾偈。

海城=紅館開騷 阿梅哥哥小鳳姐的平台

吳浩康女友父母曾是香港兩間大酒樓股東之一,包括家族的海城大酒樓夜總會,以及跟有樂壇教父之稱的張耀榮合資的海洋皇宮大酒樓夜總會。海城擁有一個具規模的大舞台聞名的高級消費場所。紅館落成前,海城是七、八十年代紅星、歌手等開騷的舞台,李母跟不少娛中人諗熟,當年簽下不少紅歌星登台,徐小鳳、鄭少秋、汪明荃,甚至後期的黎明等曾在此海城演出,一做數十場。海城到 90年後期結業。

李氏夫婦離異, 01年李父移居西雅圖,在當地繼續經營飲食業,與此同時,他更完成大學課程和取得工商管理碩士( MBA)學位,並以華人身份,在州政府的社會服務部牌照局當審核員。

以前黎明到海城大酒樓夜總會登台時,抱住 Michelle唱歌。

移居美國後, Michelle父親(右)在當地繼續飲食生意。

Michelle的媽媽,在娛圈人稱朱小姐,跟好多唱片公司及歌手稔熟,有江湖地位。

難得有情人

年少輕狂的歲月已過去,眼下吳浩康感情、事業都有新開始,跟英皇續約外,又要兼顧音樂學校和皇馬青訓工作。

「阿 Deep喺觀塘間音樂學校搞得幾好,遲啲會擴充要搬去葵芳,另外每個星期佢又會帶學生去文化中心外面表演。搞音樂之外,阿 Deep又幫皇馬喺香港搞籃球同足球青訓,專責市場營運,早排仲帶隊去西班牙集訓,佢經常由早做到晚,難得有情人,吳浩康亦自言要認真面對這段感情,必須發奮。」知情者說。

吳浩康早前參加 ViuTV的音樂節目。

每週吳浩康會帶學生去文化中心外面表演。

吳浩康幫皇馬在港搞青訓,去年帶隊到西班牙集訓。

在活動上遇到曾效力皇馬的羅拔圖卡路士。

近日續約英皇,吳浩康感謝公司多年的支持。

猛料舊愛

事業起跌如坐過山車的吳浩康,身邊女友個個擲地有聲,視后胡定欣,有米女莊思敏以及唱得鍾舒漫和好打得的 Hazel唐紫睿,都曾愛過。

胡定欣 大滿貫視后

04年,出道不久的胡定欣搭上 Deep並火速同居,其間 Deep發生藏毒事件,她仍不離不棄,最終因為莊思敏,兩年情告終。今日的胡定欣,破大台女藝人紀錄,去年尾分別在大馬、新加坡以及香港頒獎禮獲封視后。

莊思敏 有米拿督女

06年, Deep跟有米拿督女莊思敏拍拖,但只維持五年便分手, Deep自言最有愧於她。分手至今,事業型的莊思敏先後開化妝形象學校,又投資百萬開食肆做老闆。

Hazel  MMA打女冠軍

12年, Deep跟模特兒出身的唐紫睿撻着,但快來快去, 13年初二人分手。之後 Hazel由模特兒進軍影壇,去年學泰拳操行參加 ViuTV的 G1格鬥會,打到口腫鼻腫成為總冠軍。

鍾舒漫 娛圈處女

13年, Deep跟英皇同門師妹鍾舒漫因公司壓力發展地下情,為尊重女友信仰, Deep修心養性戒煙戒酒甚至戒色慾,雙方關係發展至訂婚,但 15年 Deep被爆背未婚妻偷食 34E𡃁模 Yvette Chow後,鍾舒漫決定將他由情侶降級為朋友。

胡定欣

莊思敏

Hazel

鍾舒漫

撰文、攝影、攝錄:娛樂組


鍾意就快D Share啦!