那些年嘅章小蕙，仲係叫章蓉舫，仲係B嫂年代，使錢真係唔眨眼。每有新裝出籠，就漏夜傳真至巴黎及米蘭嘅名店訂貨，而且每款要買齊唔同顏色，江湖傳聞佢曾經一口氣越洋訂購Gucci同一尺碼所有顏色新裝，阿B就曾寸前妻「減壓之道」就係買衫：「佢就勁啦，一有壓力就買衫，我都領教過。」97年金融風暴後，章小蕙因炒賣豪宅而欠下億元巨債，但生活依然富裕，家住渣甸山豪宅，出入有司機接送。當然，呢啲都係十幾年前嘅事。章小蕙曾話，出街從來唔帶銀包，更少帶現金，因為買貴衫可用信用卡，買嘢食就習慣賒數，佢話：「我不嬲唔用銀包，又唔帶錢出街，因為我買嘢一買貴衫就碌卡，平時買咖啡麪包呢類嘢就會賒，拎走後叫公司同事找數或者月結。」連身份證都唔帶？章小蕙反問：「乜要帶嘅咩？」跟住指指自己個鼻話：「都認得啦啩？」仲話唔知唔帶身份證出街屬於違法。依家嘅章小蕙，三級片拍過、時裝店開過、二手衫賣過，05年移居美國，近年主要進修短期表演、戲劇相關課程，靠章父資助。章父於去年6月過世，章小蕙分到遺產後，從商變身中間人，幫中國片商喺美國、加拿大等地買賣劇本版權，從中抽佣，據悉大約成交一單有約5萬元美金(約39萬港元)。
來源 source: http://s.nextmedia.com
|
鍾意就快D Share啦！
|
|
|