網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年1月26日 星期四

平買風水新屋 再贏大錢 曾志偉行大運 [壹週刊 - 1403] __,志偉,曾志偉,M1,

娛樂偵訊平買風水新屋 再贏大錢 曾志偉行大運搬入新居大埔海景山莊後,曾志偉用2,600蚊成本買馬,結果扑中一條三穿七,大贏1,600萬,即時四圍請食飯,又廣邀一班圈中好友組團去日本旅行,開心share!原來行運有條路!15年底,曾志偉購入海景山莊風水屋,買入價已比原價低兩百萬,入住第一日買馬更贏大錢,行運行到落腳趾尾。業主自動減多兩百萬曾志偉以二千四百多萬購入的大埔海景山莊,花費數百萬裝修一年,去 ...


娛樂偵訊

平買風水新屋 再贏大錢 曾志偉行大運

搬入新居大埔海景山莊後,曾志偉用 2,600蚊成本買馬,結果扑中一條三穿七,大贏 1,600萬,即時四圍請食飯,又廣邀一班圈中好友組團去日本旅行,開心 share!原來行運有條路! 15年底,曾志偉購入海景山莊風水屋,買入價已比原價低兩百萬,入住第一日買馬更贏大錢,行運行到落腳趾尾。

業主自動減多兩百萬

曾志偉以二千四百多萬購入的大埔海景山莊,花費數百萬裝修一年,去年十二月底才正式入伙,新居向正吐露港,有水有景,曾志偉第一次睇屋,已經決定扑槌買。

「個單位前面(屋前)有水,後面又有水(小溪),志偉一睇已經好鍾意,仲要賣方願意平成兩百萬俾佢,即刻買到舊年搬入去間屋,第一日買馬就贏咁多錢( 1,600萬),好風水到呢!啲朋友笑志偉咁多年都俾錢鋪草皮,而家一次過贏番晒!贏馬嗰日佢拎住啲飛不斷同人影相,仲話影晒相,係人都知係曾志偉贏馬,冇人敢偷佢啲飛去攞錢。」身邊朋友說。

前年底購入新居,以筍價二千四百二十萬買入。

本身是馬主的曾志偉,贏咗千六萬後,他名下的「品自高」在澳門又跑出,鴻運當頭。

日前特登去撐崔建邦打 MMA比賽,之後便返回好風水新居。

新屋寫曾寶儀名

自己贏大錢,而入行多年的大仔曾國祥亦終於捱出頭,早前執導電影《七月與安生》攞咗唔少獎,令他放下心頭大石;至於囡囡曾寶儀,年前同志偉合作內地真人騷《極速前進》,玩遊戲時不慎令盆骨受細菌感染要休息兩個月,但曾寶儀一個月就復工,還被老豆挖苦「係咪好等錢使」。

「志偉知個女做嘢辛苦,所以海景山莊個單位寫咗個女個名,話俾佢有個保障。其實唔只對親生仔女好,好多圈中人都叫志偉做阿爸,佢一向好幫啲後生,好似葉蘊儀當年離咗婚去澳洲讀大學,學費都係志偉負責。仲有,盧 David(大偉)有病,志偉幫手俾醫藥費。

「不過志偉幫人唔鍾意大鑼大鼓,好似黃精甫做到導演同《一念無名》拍得成,都係因為佢幫手穿針引線,所以大家都話志偉做得好事多,抵佢贏大錢。」身邊朋友說。

贏馬後,曾志偉頻頻請食飯,又請一班仔女返新居 BBQ狂飲靚酒慶祝。

曾志偉前年跟女兒參與內地遊戲節目《極速前進》,曾寶儀細菌感染入院,他在中途亦一度受尿酸影響,要坐輪椅代步。

妹妹仔時代已經認識曾志偉,離婚後帶住一對仔女的葉蘊儀得他資助,才完成大學課程。

去年離世的盧大偉,患病期間得曾志偉幫助,減輕一大筆醫療費。

今年兒子曾國祥執導的《七月與安生》在金馬獎奪多個獎項,一家三口更在台上做頒獎嘉賓。

撰文、攝影、攝錄:娛樂組


鍾意就快D Share啦!