【新增回應】老老竇竇，吖唔係，老老實實，其實打錯字係人之前常情，有時心急得滯，少不免會有啲甩漏。不過，作為公眾人物，被cap圖風險同傳播力就強好多，一個唔小心淪為笑柄就唔好啦。鄧麗欣(Stephy)前日喺facebook貼咗張相，同餅碎區文詩慶祝生日，同場仲有吳雨霏(Kary)o添！其實佢哋不嬲都係好姊妹，生日咁緊要慶祝吓都好正常。不過，張相嘅tag就出咗事喇，事關就個tag寫住「#mypenisblue」。點解Stephy會有penis？點解咁驚會變咗藍色？有網民留言問：「組織壞死嗎？」、「中毒？」、「阿凡達？」不過，亦有好心網民提醒：「admin快啲改咗佢啦」。估計Stephy係想講「My Pen is Blue」，係Cookies《Forever Friends》入面出現過嘅歌詞嚟㗎「My Pen is Blue，My Friend is You」嘛！講起打錯英文，Stephy試過喺09年出席活動時講咗句「I am very thanks them」；同年書展Stephy以「才女」身份出書，不過就被網民發現，全書共有144頁，得33頁有文字，但佢嘅錯字多達109個。經一事長一智，以後嘅Stephy小心咗好多，不過今次呢個落tag嘅笑話，又真係幾鬼馬！今日Stephy接受《蘋果》，問到其實想寫乜？佢喺電話哈哈笑話：「今朝一早收到好多朋友send呢段新聞畀我睇，其實大家都覺得好搞笑，可能好多人唔知啦，呢個係一首歌，以前Cookies《Forever Friends》嘅歌詞『My Pen Is blue』，嗰日我哋Cookies三個人食飯，我特登寫呢句，但因為hashtag冇間隔，變咗搞笑咗囉。其實我打嘅時候都知，Kary都知，我哋喺度笑，不過冇乜所謂啦，大家睇到嘅嘢唔同，唔使咁認真，大家開心笑下咪好囉，祝大家新年快樂」
|
鍾意就快D Share啦！
|
|
|