林作擺陣：想𡁻完鬆
■林作要求麥玲玲為他擺一個極上桃花陣。
林作找來堪輿師麥玲玲到其新居看風水，希望擺個靚陣，風山水起又旺桃花。林作竟有所要求：「我想擺個𡁻完鬆嘅陣。」麥玲玲即笑答：「吓！我通常教人擺開花結果陣，但既然你要一個𡁻完鬆嘅極上桃花陣，想要虛幻短暫嘅關係，就可以用類似泰國SPA嘅水兜，將幾朵蘭花剪落嚟放喺水面，不過呢種花陣唔係個個受得起，身弱嘅人唔可以三妻四妾，身強嘅命先會冇事。」
■新居廚房寬敞，麥玲玲謂代表家中女人地位強過男人。
麥玲玲指流年桃花位在屋中央，她教路：「當然唔會將桃花放喺屋中間，咁樣會變成頂心杉，可放細盆蘭花喺走廊位。旺名氣財位嘅東北位，可放富貴竹；今年西面係嗌交位，如果唔想同人咁多嗌霎，千祈唔好放植物喺度，擺啲紅色嘢壓住就得。」她又指：「屋企比較多鏡同玻璃，屋主會容易受傷。」代表女主人的廚房寬敞可放三張麻雀枱，代表家中女人強勢過男人。
來源 source: http://hkm.appledaily.com
|
鍾意就快D Share啦！
|
|
|