東網巨星全新節目《巨星放題2.0》隆重推出，參與藝人陣容強大！節目更請來「大滿貫三帝」黃秋生、「雙料港姐」陳凱琳（Grace）及「宅男界翹楚」吳業坤擔任地獄考官，以搞笑IQ題及冷知識考驗超過70位藝人，挑戰者亦會出題考考觀眾智慧！
曾奪影帝、視帝及舞台劇男主角獎的秋生，見慣世面堪稱「IQ題金鐘罩」，對題目要求非常高，絕對是質素保證。而港姐兼華姐冠軍Grace美貌智慧兼備，求知欲甚強的她平日愛研究各種刁鑽問題，必定「打爛砂盆璺到豚」，她說：「日常生活遇到好多常識問題，我都有興趣研究落去，今次《巨星放題2.0》集合咁多得意問題，好多你以為自己識，但原來情急之下係諗唔到㗎！」
最後一位考官吳業坤非同少可，平時最愛單手上網，熟讀網上熱話，搞爛Gag當食生菜，無聊IQ題絕對難佢唔到！坤坤笑說：「今次有好多問題都非常精彩同搞笑！我當然識答好多但都要諗一諗，轉數慢啲都唔得，各位準備好接受挑戰未？」
遊戲規則方面十分簡單，每集有三位星級挑戰者參賽，每人會回答三條題目，並在限定時間十秒內講出答案，答中最多為之勝出。三位挑戰者亦會反客為主，即場出題考觀眾，換句話說，每集有六條IQ題、冷知識題目，內容非常豐富！
有三大港姐接招
而首集挑戰者就有三大女神兼港姐朱千雪、劉佩玥（Moon）及陳庭欣（Toby），究竟係咪美貌與智慧並重呢？
Q1：有咩係每個家庭有一個，但全港加埋都係得百幾個呢？
Q2：有咩嘢係愈洗愈污漕？
Q3：見到獅子要走快四步、見到老虎要走快三步，咁見到咩要走快兩步？
結果三人成績相當唔錯！Moon全取三分，Toby及千雪分別答中兩題，Moon更識破坤坤借IQ題宣傳歌曲的詭計！如果大家想知答案，記住上東網巨星睇片！三位嘉賓仲會反客為主出題考大家，各位觀眾接招
陳庭欣：點解現實生活中隱形藥水係冇效用？
朱千雪：菠蘿係黃色，咁有咩「蘿」係綠色？
劉佩玥：你依家喺沙漠好熱好攰，你面前有兩支水，一支尿，一支有痰嘅液體，你會揀邊支？
之後會陸續登場挑戰的藝人包括王祖藍、林夏薇、王浩信、周柏豪、張秀文、苟芸慧、許廷鏗、欣宜、林盛斌、JW、何雁詩、陳瀅、麥明詩、傅嘉莉、森美、鄧月平、蘇麗珊及SuperGirls等，絕對令你期待！
《巨星放題2.0》每周兩集，逢周一及周四更新，記住緊貼喇！
|
鍾意就快D Share啦！
|
|
|