現年65歲的陳勳奇去年九月出席香港活動，被發現明顯消瘦一大圈，當時他表示身體慢慢復原中，未有正面回應身體是否出現問題。近日有指他患上肝癌，身在北京的他接受東網電話訪問，親證患上罕見及高度惡性的「甲狀腺未分化癌」，抗癌一年的他表示自己漸漸康復中，目前接受日本未正式面世的「彩色波細胞治療」法，聲音帶有沙啞的他說：「之前做放射性治療影響咗聲帶，依家慢慢好番架喇。（依家體力OK？）OK呀，咁多年嚟我都keep住140磅到，病咗之後最低係102磅，就係你哋舊年見到我嗰陣囉，嗰時皮包骨咁，依家就108磅！」
接受新療法
完成33次放射性治療的陳勳奇，因體力大大下降而未有接受化療，反而轉睇中醫，甚至接受美國細胞培植治療及現時接受的「彩色波細胞治療」法。為了健康，他試盡不同方法，問到花幾位數去醫病？他說：「唔好講錢，命仔係最重要！真係想同啲後生講，錢唔係最重要架，健康係比任何嘢都重要！我依家大難不死，必有後福！」至於抗癌期間家人是否陪伴在側？長居北京的他說：「個仔過年個幾日上咗嚟探我，之後都要返香港做嘢我不嬲都一個人照顧自己，天生我獨行，不必相送！哈哈！」
下月正式復工
雖然身患頑疾，但一向充滿正能量的陳勳奇已滿腹大計，下月正式復工投入工作，先會拍攝由長沙最紅的超模擔正演出的新片，由選角、訓練、擔任編劇、監製甚至做導演都由他一手包辦。問到為何不養好身體才復工？他說：「冇時間啦，本來部戲舊年就開，係因為我病所以阻遲咗，投資方好好，佢哋話等我好番啲先拍！」之後就會拍攝《狂野時速》的中國版，屬大型製作，拍畢兩部電影後就想拍以醫療作題材的電視劇，他說：「呢一年做治療，睇到好多人生百態，我自己身受其害，做治療嗰陣喺我病房出出入入嘅人多到街市咁，其實有啲人好慘，嚟北京醫癌症，畀得錢醫又畀唔起錢食藥，連住都唔係住喺醫院，係住醫院隔籬嗰啲屋，嗰度環境好差，激發起我想呢個題材！」
情緒影響患病
至於患病的成因，陳勳奇直言情緒影響是主要因素，事事以工作為先的他，會因為編劇的作品達不到他的要求而大動肝火。問到是否因囡囡陳開心於2014年跳樓自殺，令他大受打擊？他說：「係其中一個因素，但呢啲人哋睇唔到，人哋只係睇到你工作壓力。」對於他太太最近被傳出事，他避忌表示：「太太嘅事就唔想講多謝你哋關心！」
|
鍾意就快D Share啦！
|
|
|
