掃呢頁CODE去手機

2017年2月3日 星期五

名人:走出離婚陰霾 江碧蕙再覓第二春 __,江碧蕙,

江碧蕙閃嫁法籍網球教練Jerome。恭喜!恭喜!快將41歲的香港首位華人女騎師江碧蕙(Sherie)與拍拖半年的法籍網球教練Jerome上月尾入紙註冊,與大她約兩年的男友閃婚,有情人終成眷屬。與前夫簽下婚前協議Sherie經歷過一段婚姻,於21歲下嫁法籍騎師李格力,結婚近廿載,二人育有兩子,去年七月因思想不同而離婚,Sherie曾為了這段婚姻付出一切,不惜簽下婚前協議,沒有贍養費,更為了懷孕做了9 ...


江碧蕙閃嫁法籍網球教練Jerome。

恭喜!恭喜!快將41歲的香港首位華人女騎師江碧蕙(Sherie)與拍拖半年的法籍網球教練Jerome上月尾入紙註冊,與大她約兩年的男友閃婚,有情人終成眷屬。

與前夫簽下婚前協議

Sherie經歷過一段婚姻,於21歲下嫁法籍騎師李格力,結婚近廿載,二人育有兩子,去年七月因思想不同而離婚,Sherie曾為了這段婚姻付出一切,不惜簽下婚前協議,沒有贍養費,更為了懷孕做了9次人工受孕,完成做媽媽的夢想,而15歲及12歲的兒子選擇跟爸爸留法國,一無所有的Sherie獨自離開法國,但她卻無悔當初,走出陰霾,在香港重新出發,並遇上真命天子法籍網球教練Jerome,更將於三月拉埋天窗。

Sherie在上一段婚姻全職相夫教子,前夫大她11年半,離婚導火線是脾氣,她表示:「生活環境唔同,天時地利人和改變,人生到唔同階段年紀,要求唔同,思想唔同,想要嘅嘢佢畀唔到我,唔係講物質,有嘗試過挽救(婚姻),但單方面就係好難,佢唔配合,當大家夾唔到,選擇分開。」憶起過往生活點滴,Sherie亦都眼濕濕直言:「幾年都好多爭執,我選擇唔出聲,我多過一半人生係同前夫一齊,最難係嗰日簽完紙隻腳離開呢間屋,以後係唔會返入去,做媽咪好難選擇去行呢步,感情唔好蘊釀咗幾年,會諗係咪可以忍讓,我第一時間諗小朋友,成個家庭都好傷,長痛不如短痛,所以就選擇和平分開。」Sherie表示小朋友都覺得家氣氛不好,叫二人離婚,亦決定跟爸爸留在法國繼續學業,但Sherie與前夫再見亦是朋友。Sherie更坦言搞離婚時成日喊,去到尾更面臨崩潰,更短暫有荷爾蒙失調,但因為離婚程序好快,解決時間快,痛苦愈短。

結婚冇諗離婚

Sherie獨自離開法國,回香港重新開始,沒有要求贍養費的Sherie原來簽下婚前協議,她說:「個時年紀細,佢叫我簽嗰陣,分開係乜嘢都冇,因為我係佢第二段婚姻,佢第一段婚姻冇咗好多嘢,佢當係一個保障都好,但結婚你唔會諗離婚,自己同自己講,離婚唔使靠佢,我係好堅強,我唔係要搵一個依靠,驚要去捱,而阻到我做決定。」Sherie希望以和平方式去處理一切,不想因為自己要贍養費而影響小朋友生活,甚至要前夫賣樓,不想被怪罪及傷感情。

Sherie為愛情義無反顧,早婚亦是想生小朋友,但因健康問題,最後要試管嬰兒,她表示:「我做咗9次手術試管嬰兒,第一個仔係試管嬰兒,第二個係自然,我覺得想要,無論幾多次都會做,問自己想唔想,想就一定會得。」雖然最後Sherie一無所有,但她卻無悔當初,她說:「我冇後悔,係一個經歷,未試過點知好唔好,係一個成長。有人話我蠢,乜都冇,我有手有腳唔怕餓死,我自力更生,唔係要搵個有錢佬養我,我識照顧自己,錢買唔到快樂同健康,離婚唔係咩大事。大家有開心過,兩個小朋友帶到快樂畀我,條路自己揀。我好信命,有得必有失,我換來自己開心,從頭開始,人係要面對現實。」

繼續喺香港生活

現在的Sherie簽了一間運動員藝人公司,與棒球員胡子彤同公司,不時出席活動,做司儀,自己亦有教朋友策騎,生活穩定,更遇上真命天子Jerome,Jerome於八年前離婚,二人同樣經歷離婚傷痛,於去年在朋友的聚會上認識,二人一拍即合,上月尾更入紙註冊結婚,她說:「我哋好低調,一直計劃都進行中,舊年Jerome求婚,今年三月就會香港結婚,仲諗緊場地,plan緊,一切都低調,之後都會喺香港生活。」


來源 source: http://hk.on.cc
鍾意就快D Share啦!