洪永城畀人感覺都幾花弗，即使同「不能錯過的女朋友」唐詩詠拍拖，依然緋聞不絕。新年前有周刊爆料，指洪永城對相識10年嘅「翻版徐子淇」Kanice Po念念不忘，暗地與女神見面，結果激嬲女友，搞到唐詩詠以WhatsApp提出分手。不過，事後洪永城強調冇分手，仲話會畀多啲安全感女友，想趁新年約埋兩家人食飯，至於會唔會求婚……就要成功咗先可以再講。洪永城果然言出必行，今個新年同唐詩詠四出拜年，去到邊都有影皆雙，好似糖黐豆咁恩愛！日前有公司搞團拜，古天樂都有出席。團拜又點少得抽獎呢？抽中咗五千蚊現金嘅幸運兒係ig貼相，但焦點就落咗係後面一對被傳陷分手邊緣嘅情侶身上——洪永城同唐詩詠。當日洪永城着到紅噹噹好易認，而唐詩詠就坐咗喺佢隔籬，托住腮同坐喺另一邊嘅朋友傾偈，但既然佢哋坐埋一齊，分手傳聞自然不攻自破問到係咪雨過天晴，好番晒？洪永城今日回覆傳媒話﹕「正常拜年。」而唐詩詠亦貫徹感情事低調作風謂﹕「關於佢(洪永城)我冇任何回應，現場仲有好多人嘅。」而洪永城嘅舊緋聞女友黃翠如同男友蕭正楠都好sweet，喺年初四，結伴去朋友屋企拜年，同場仲有身懷六甲嘅人妻Kay謝安琪同老公張繼聰、方力申等等，非常之熱鬧。
來源 source: http://s.nextmedia.com
|
鍾意就快D Share啦！
|
|
|
