掃呢頁CODE去手機

2017年2月22日 星期三

【獨家專訪】三個紅顏知己時間點分配? 鄧兆尊:佢哋有個群組知道邊個係主打! __,鄧兆尊,兆尊,

啱啱過咗50歲生日、已故慈善伶王新馬師曾嘅長子鄧兆尊,雖然已經淡出幕前一段日子,不過佢嘅曝光率依然極高,事關呢個被視為鑽石王老五嘅鄧兆尊,身邊同時出現咗三個紅顏知己-Carman、前助手車厘子與及Claire,難得「3C女友」相處融洽個個都善解人意,唔介意共侍一夫,經常約埋一齊行街,兆尊可以話享盡齊人之福,難怪被稱為「現代韋小寶」!兆尊日前喺銅鑼灣接受《蘋果》訪問,「3C女友」因為各種理由而冇現身 ...


啱啱過咗50歲生日、已故慈善伶王新馬師曾嘅長子鄧兆尊,雖然已經淡出幕前一段日子,不過佢嘅曝光率依然極高,事關呢個被視為鑽石王老五嘅鄧兆尊,身邊同時出現咗三個紅顏知己 - Carman、前助手車厘子與及Claire,難得「3C女友」相處融洽個個都善解人意,唔介意共侍一夫,經常約埋一齊行街,兆尊可以話享盡齊人之福,難怪被稱為「現代韋小寶」!兆尊日前喺銅鑼灣接受《蘋果》訪問,「3C女友」因為各種理由而冇現身,只係剩得兆尊單拖赴會,講到現代版韋小寶呢個稱號,兆尊淡淡然話:「金庸冇寫韋小寶有幾煩,你睇吓周星馳嗰套唐伯虎,咪話到俾你聽有乜嘢情況出現,係影相嗰啲差啫,影唔到嗰啲樣,屋企人一定有磨擦,呢啲係小問題,唔好將啲嘢放大就冇問題,乜嘢嘢都係講道理。」同一時間處理三段感情,最難分配嘅當然係節日上嘅安排,唔知今年情人節兆尊又係點慶祝?佢話:「女人緊張嘅嘢,男人可能成日都忽略,好似日子,不過習慣咗就唔會有呢個問題,我不嬲都冇節日觀念,屋企得清明同7月14比較注重啲,喺我嚟講,開心日日都係節日,佢哋都認同呢樣嘢。」雖然外間一直將兆尊三個紅顏知己分為正印Carman、二奶車厘子與及三奶Claire,唔知喺兆尊心目中,又有冇排名呢?佢話:「可能喺人哋眼中係好少少,但係我只係普通人,喺我嚟講係冇分大細,人係平等,就算對街邊一個人,都係平等。」講到有冇婚姻承諾,兆尊搞笑話:「你叫我入回教呀?喺我個人眼中,婚書唔係一件好重要嘅嘢,對普通女人嚟講可能係,但係對一個同你一齊咁多年嘅女人嚟講,呢樣嘢已經係一個好好嘅保證,比婚書仲有好好嘅保證,你個人係點,佢對人係點,全部都見住晒。嗰張紙只係你保障離婚之後可以分到啲乜嘢,咁你係咪為咗啲物質而同嗰個男人一齊?呢個男人對你係好,根本唔駛顧慮呢啲問題。」之不過會唔會擔心有意外發生?兆尊話:「呢啲係唔會有意外,如果真係注重呢嘢,我哋已經有共識,現今社會同氣候,有小朋友嘅話,大人同細路都辛苦,佢哋認同呢樣嘢。」兆尊話佢唔會刻意安排三個人一齊出現:「唔好勉強做啲人哋唔開心嘅事。女人好得意,每個月都有啲情緒起伏,三個女人有三個情緒,唔好因為一個影響其他人,反而有時傾吓偈都會問,再等佢哋三個自己傾,始終大家有自己工作同朋友,一個鍾意去佛堂,一個鍾意畫畫,有一個做自己生意,喺佢哋心目中,大家係朋友。」兆尊仲話:「佢哋私底有個群組,大約知道今日會陪邊個,知有個主打,主打覺得冇問題,咪一齊食飯,以前阿爸教我,食開眉粥好過係愁眉飯,如果要愁眉飯嘅話,不如唔好食,坐得埋食飯一定要開心,做人好簡單,日日搵幾多,擁有幾多,如果食餐飯都覺得唔開心,你會覺得好失落。」話晒相處咁多年,點都會出現啲爭坳,兆尊亦都話:「大就冇,少就有,我已經做晒,如果覺得有問題,咪著量處理。」唔知又有冇試過分手呢?佢話:「冇喎!互相包容啫,我好慶幸自己冇乜私隱,乜都可以攤出嚟講,當冇嘢去隱瞞,講句說話都可以自然啲,聽落都會舒服啲,我個人言出必行,如果我做唔到,係唔會應承。如果我冇做,你屈我咪做俾你睇。」佢仲話:「我成日同啲女仔朋友去傾,如果你身邊嘅男人係好注重個外表嘅話,要小心啲,你始終都會老,係咪一路整容,一路打嘢去保持外??就算屋企有一個好靚嘅女人,你日日對住佢,你都會覺得佢唔靚,反而一個街邊好普通嘅女人,你可能會覺得佢靚,即係日日食魚翅,間唔中食碗仔翅都覺得好味,我睇人係睇內在美,內在性格,人始終會老。」如果將三位紅顏知己比喻為汽水、清水同茶,兆尊又點揀邊個係最愛呢?兆尊笑笑口話:「你問我?呢條罪可以拎我去打靶!人嘅一生,有好多嘢係有口難言,呢啲好虛冇,做好自己,人哋自然鍾意你,點解硬係要去揀?」場地提供:名廚

攝影:沈建程 鄧兆尊日前喺銅鑼灣接受《蘋果》訪問,佢仲親口講述佢同三位紅顏知己嘅相處之道。 佢仲話三位紅顏知己無分大細
如果要將三位紅顏知己比喻為汽水、清水同茶,兆尊點揀邊個係最愛呢? 佢就話如果佢揀咗呢條罪可以拎佢去打靶 早前兆尊50歲生日,三位情人齊齊同佢慶祝

來源 source: http://s.nextmedia.com
鍾意就快D Share啦!