掃呢頁CODE去手機

2017年2月22日 星期三

甄子丹畀太太嫌揸車慢:咁快做乜? __,子丹,甄子丹,

甄子丹話佢畀太太嫌揸車慢又唔識路,令佢覺得好大壓力囉!「宇宙最強」甄子丹今晚出席BMW5Series新車發布會,司儀陳貝兒台上以業界領導先鋒介紹他與蘭桂坊集團主席盛智文,兩人一同坐着新車出場,甚具氣勢,台上子丹做出竪起姆指及揮手,甚為風騷,並與一眾高層一同祝酒。享受慢駕子丹表示自己第一部擁有的房車就是BMW,笑言是粉絲,他指外地拍戲時通常有司機,故在港他多爭取自駕,他說:「我會爭取自己揸車,感覺好 ...


甄子丹話佢畀太太嫌揸車慢又唔識路,令佢覺得好大壓力囉!

「宇宙最強」甄子丹今晚出席BMW 5 Series新車發布會,司儀陳貝兒台上以業界領導先鋒介紹他與蘭桂坊集團主席盛智文,兩人一同坐着新車出場,甚具氣勢,台上子丹做出竪起姆指及揮手,甚為風騷,並與一眾高層一同祝酒。

享受慢駕

子丹表示自己第一部擁有的房車就是BMW,笑言是粉絲,他指外地拍戲時通常有司機,故在港他多爭取自駕,他說:「我會爭取自己揸車,感覺好Peaceful,不過自己揸得有少少慢咗啲,如果太太汪詩詩喺身邊我好大壓力,因為佢會話我揸得慢,又話我唔識路,盪失路,佢成日講等佢揸,所以就算喺香港都冇乜機會揸車。」他說自己享受慢駕,笑言:「我幾享受個過程,鍾意揸車時諗嘢,咁快做乜?後面啲車呠我理得佢,畀你過嘞!(後生時先開快車?)係,邊個唔鍾意快車,依家最緊要安全。」

唔鍾意辣跑

圈中不少藝人愛辣跑,但子丹卻偏偏不愛跑車,他說:「唔鍾意踎低上車,好辛苦,出入唔方面,而且成日接小朋友,唔夠位點得?」但他不允透露現在擁有幾多部座駕,自言幕前高調,但私生活愛低調。「拍戲揸乜都得,飛機火箭都得,呢啲係演員嘅職責,私下鍾意平淡、穩陣,好似呢款車,要講求實淨,快時快,慢時慢。」


來源 source: http://hk.on.cc
鍾意就快D Share啦!