大美人關之琳於2015年突然自爆與台灣富商陳泰銘離婚，回復單身的她活得逍遙自在並寄情工作，去年10月與富二代陳栢熹合作，二人投資千萬推出睡衣品牌Rosamund MOISELLE。之之除了擔任設計師總監外，今次更親身上陣為全新系列做模特兒拍硬照，並選擇了最愛的「浪漫之都」巴黎取景！
捱凍拍攝10粒鐘
拍攝當日，之之身穿一件頭Body睡衣大騷修長美腿及纖腰，另外又穿上黑色喱士睡衣裙，酥胸半露，誘人身材若隱若現！保養得宜的她身材弗爆，與初出道時分別不大，明顯對完美Body充滿自信，難怪她可以毫不保留地豁出去，即使是終極性感亦在所不計！
之之本系列以性感為主打，化身百變睡衣女王大晒性感優雅造型，但背後的辛酸卻只有自己知。拍攝當日，巴黎寒風刺骨，氣溫只有零下兩度，一行人於半島酒店的天台取景。雖然要在寒風下拍攝，但之之依然面不改容，全程保持笑容擺出多個甫士，惟拍攝完一個鏡頭後手腳已冷得發紫，要立即到室內飲暖水及用暖包取暖，之後才繼續拍攝。拍攝工作由早上6時開始，拍足10個小時，但之之都毫無怨言，專業精神可嘉！
銷售成績理想
之之的拍檔陳栢熹亦有隨隊飛抵巴黎，並對之之讚不絕口，大讚其設計思維追求完美：「我哋今次主題係性感，所以佢設計咗性感撩人嘅睡衣。佢喺設係設上思想好立體，以360度諗件事，不停抨擊自己嘅設計，搵缺點去改進，要做到無懈可擊！」他又透露二人投資了約八位數字做睡衣，雖然只有短短4個月，但銷售成績理想：「我哋當初講過無論賺定蝕都會做3年，計劃回本期係18個月，但依家應該唔使咁耐。因為除咗香港，我哋喺內地、新加坡、台灣同澳門都好受歡迎，所以會諗住再推出其他產品，例如香水、滑雪服，全部都係圍繞之之嘅物品，佢平時私生活都幾神秘，好少人知，但其實佢好鍾意滑雪，又有調製屬於佢嘅香水，都好想同人分享佢平時嘅生活！」
|
鍾意就快D Share啦！
|
|
|
