熱爆娛樂: 【秘訪洗米嫂 (4)】稱職家嫂好相與親解與周柏豪關係 __,柏豪,陳慧玲,洗米嫂,周焯華,洗米華,周柏豪,

2017年3月16日星期四

【秘訪洗米嫂 (4)】稱職家嫂好相與親解與周柏豪關係 __,柏豪,陳慧玲,洗米嫂,周焯華,洗米華,周柏豪,

打理生意了得，照顧屋企對洗米嫂Heidi嚟講亦冇難度，唔只同大仔周柏豪關係良好，老爺、姑奶亦對佢疼愛有加。，問到Heidi係點做到？佢話：「大家相處開心就ok。」雖然親生仔，不過柏豪同Heidi嘅感情，仲好過同親生老竇洗米華。「我哋似朋友咁，好friend咩都傾，如果以屋企嚟計，佢同我係最多嘢傾，可能佢覺得佢老豆嚴肅啲，同我就啱傾啲。」Heidi又讚柏豪係個好哥哥，唔只同大女周梓潼(Virginia)好似朋友咁，對歲幾嘅細女周羨潼（Damiana）亦非常疼錫，Heidi仲話有時柏豪湊住Damiana出行，會俾人誤會柏豪先係Damiana個爸爸。「佢好鍾意BB，我成日覺得佢有陣父愛滲出嚟，有時湊住去街去旅行，啲人會以為佢係老竇嚟，可能佢個樣生得比較成熟。」Heidi笑說。問到平時點同仔女相處，Heidi話自己無特別嘅教育宗旨，佢覺得最緊要係唔好俾壓力小朋友：「俾佢哋做佢哋自己鍾意嘅嘢，我就覺得咁就最好。你有好多期望想佢哋做，但呢啲根本就唔係佢哋鍾意做嘅嘢，迫唔嚟，大家相處開心就ok。」對小朋友有辦法之餘，對長輩亦有相處之道。婚後一直同老爺、姑奶一齊住嘅Heidi，分享同長輩少磨擦嘅心得就係——「你話如果一齊住埋喺好細嘅空間，咁可能磨擦會多啲，可能我哋間屋比較大間少少，磨擦就少啲。」採訪：林妙萍、陳月媚

攝影：周樂恒

攝錄：馮峰、Neo

編導：UOG

剪接：何文超

髮型、化妝： Cyrus Lee

場地提供：Beefbar Hong Kong

相關文章：

【add即時．尚】獨家！洗米嫂Heidi：我下年出自己時裝品牌

http://bit.ly/2naHQiO【秘訪洗米嫂(1)】「澳門大家姐」累朋友輸錢 Heidi賣保險情定洗米華

http://bit.ly/2nsQyGo【秘訪洗米嫂(2)】「洗米華」花名點得嚟？洗米嫂爆原來關大台事

http://bit.ly/2naqqm9【秘訪洗米嫂(3)】怨洗米華從來不稱讚 Heidi情傾古仔：細個就睇佢嘅劇

http://bit.ly/2nnSgMv

	問中，Heidi分享同子女、長輩等相處之道。	雖然無血緣關係，但Heidi同大仔周柏豪勁friend，任何話題都會傾。
反而柏豪（右）同爸爸洗米華（中）就無咁好傾。	柏豪（左）好鍚兩個妹妹Virginia(中)同 Damiana。	不論家庭日定係特別節目，Heidi話都會全家人都會一齊過，圖為柏豪畢業禮。
Heidi話一有時間，就會成家一齊去旅行。	周氐一家都好疼錫 Heidi呢位家嫂。	每當提到三名寶貝仔女，洗米嫂 Heidi就笑得勁冧。