關之琳話放低咗喇！
女星劉嘉玲於2015年與關之琳（之之）前夫陳泰銘行山而惹之之不滿，令到二人反目，事隔約兩年，二人再次同場，嘉玲先到，五分鐘後之之到場。問到之之與嘉玲同場會否尷尬？之之表示：「順其自然。（嘉玲話做番朋友要睇你？）順其自然，事情都淡化，最緊要舒服，兩年我都放低咗。（主動傾偈？）睇座位分配。（合照？）睇吓，唔會刻意，特登好肉酸。」問到二人有心病？她想一想表示不說。
提到之之為其睡衣品牌在巴黎拍攝性感照，她表示在巴黎即興拍攝，之後會有更性感的睡衣推出：「我呢個年紀唔可以太性感，會嚇到我，之後會出透視款，亦會喺內地開店。」問到是否因感情失意，而事業得意？她表示：「要先有事業，後有愛情，唔會兩樣都冇，只會更順利。」早前與她韓國組合Super Junior-M中國籍成員周覓傳緋聞，她解釋是鍾鎮濤的朋友，叫大家不要誤會。
來源 source: http://hk.on.cc
|
鍾意就快D Share啦！
|
|
|
