探熱針
推 job留美陪女友 陳冠希 4月做老豆
緋聞女友厚過電話簿的陳冠希,與內地超模人妻秦舒培打得火熱,去年更為對方出頭,辱罵台灣女星林志玲搶 job,搞到被網民狂轟恰女人!
果然愛得轟烈,秦舒培去年中已佗「希 B」,下月初 BB便出世,快將做老豆的 Edison,更推晒所有內地酒吧騷,留美國洛杉磯陪女友待產。
美國買二千萬愛巢
同前女友 Ann分手年半,陳冠希去年五月就認戀內地超模人妻秦舒培,一度被對方老公趙磊暗寸出軌, Edison仍懶理同人妻繼續火熱!去年六月,秦舒培陪實 Edison返港見朋友,更被拍到在上環酒店外激嘴。
被趙磊大爆未正式離婚,秦舒培自揭已遞離婚書,拖拉半年最終在去年底辦妥離婚手續。
「同 Edison兩年前撻着嗰時,秦舒培同趙磊根本未離婚,後尾佢哋私密相漏出,秦舒培同老公更加因為咁鬧晒交,不過,趙磊都唔易搞,拖咗好耐先肯簽紙,到上年底先搞掂晒手續!」秦舒培友人說。
早已融入陳家的秦舒培,去年中更加有咗,八月 Edison就在美國洛杉磯斥資 285萬美元(約 2200萬港元),買入一個五房連泳池物業作為同女友愛巢。
「上次 Chiling件事,喺內地搞到咁𤓓, Edison已經安排秦舒培即刻飛美國住,加上女友有咗,佢自己都少咗返香港!」
轉性會結婚
Edison新愛巢,位於洛杉磯 Hollywood,距離柯達戲院大約十六分鐘車程,客飯廳廚房採開放式設計,連浴室亦只以全玻璃隔開,完全無遮無掩。
一直係無腳雀仔,幾乎無女可以箍得住佢的 Edison,同台灣前度 Ann分手,亦因為被對方發現同其他女性有曖昧關係,但自從遇上秦舒培, Edison連婚姻觀念都變埋。
「以前 Edison成日講,佢係唔會結婚,亦唔鍾意小朋友,就算之前 Ann想同佢生 BB,佢都講明唔想生,真係世事無絕對!無估過佢會做老豆!」
兩個月前, Edison亦已經停晒所有內地酒吧騷,留美陪女友待產。
網上駁火
12年,秦舒培下嫁華誼時尚高層趙磊,去年秦舒培斷正與 Edison當街啜嘴,趙磊即驚爆二人未正式離婚,並於網上引起一場罵戰。
指秦舒培出軌
去年五月,趙磊驚爆秦舒培出軌新聞,直指二人未正式離婚,更貼文表示「想問一聲什麼時候出軌,變成一個光明正大的 fashion?」
反擊爆趙磊有女友
其後,秦舒培於微博貼文反擊,澄清早已簽離婚協議書,指不明白為何要傷害她,其後再於晚上更新微博:「麻煩你在發聲明之前,讓你女朋友把穿我的衣服和拿我的包包照的微博全刪。」
撰文、攝影、攝錄:娛樂組
鍾意就快D Share啦!
|
|