真係呢……
台灣女星陳妍希與內地男星陳曉嘅寶貝仔喺去年12月20日出世，數數手指頭，依家阿仔差不多4個月大，阿媽陳妍希就一直隱形做新手媽媽，佢嘅抱仔Look都未曾曝光過，搞到大家都好想知佢湊仔湊成點呢？
依家，終於都有答案！有網友就喺合肥火車南站見到陳妍希現身，佢仲抱住阿B，身邊就有個應該係助手嘅女士幫手推行李，網友就影咗幾張相放咗上網。相中睇到仲係新手媽媽嘅妍希BB一身全黑造型現身，戴住個黑色口罩嘅佢，襯埋對黑絲，身形望落就同生之前一樣咁Fit，對腳依舊又長又幼。
阿媽一身低調打扮，佢嘅寶貝仔反而包到成隻糭咁，一大舊壓住阿媽。唔知係咪因為阿仔着太多衫，妍希抱仔嘅動作非常論盡，又彎晒腳又拗腰咁，仲抱到阿仔好似就跌就跌咁，睇相都覺得牙煙！
來源 source: http://hk.on.cc
|
鍾意就快D Share啦！
|
|
|
