熱爆娛樂: 轉做賢妻良母　 Jessica C收唔埋警鐘胸 [壹週刊

2017年3月16日星期四

轉做賢妻良母　 Jessica C收唔埋警鐘胸 [壹週刊 - 1410] __,Jessica,Jessica C,警鐘胸,M1,

JC生女後，打扮比以前密實好多，刻意收埋美好身材，不過有啲嘢點都收唔埋嘅。

同你吟一吟

轉做賢妻良母　 Jessica C收唔埋警鐘胸

Jessica C同安志杰所生女兒 Tessa，下星期就 1歲生日（ 23/3），自從生咗囡囡之後， JC就收起對「警鐘胸」，出席活動都唔再晒胸，轉走賢妻良母路線。

呢日就見到 JC帶 Tessa去淺水灣，參加混血模特兒 Cara G大女 India三歲生日會，雖然 JC話咗唔想再行性感啫，但係個招牌「警鐘胸」都唔係咁易收得埋，影大合照嗰陣一個不經意，都露罅搶晒鏡。

走嘅時候 Tessa原本由工人拖住行，但因為附近冇的士，要行去另一個地方截車，所以 JC索性攞條孭帶出嚟，自己親自孭住囡囡，唔使工人姐姐幫手。

即將滿一歲嘅 Tessa眼仔又大又圓碌碌勁精靈，加埋仲經常笑口噬噬，真係人見人愛，不過因為佢仲係冇乜頭髮，所以好多人以為佢係男仔。