劉嘉玲（左）話順番條氣。
女星劉嘉玲因與關之琳（之之）前夫陳泰銘行山而觸怒對方，事後二人同場出席活動時，被記者問到會否尷尬？之之指嘉玲應該要尷尬多點，火藥味甚濃。今晚兩人再同場碰頭，前後腳相隔五分鐘現身，更被大會安排坐同一張枱。
唔知同場兼同枱
二人進場參加儀式，嘉玲再出來接受訪問，問她與之之見面沒有？她神態自若地說：「未見到呀，入到場就有人講嘢。（今晚你哋同枱喎？）同台？係咩？我唔知喎，要表演乜嘢？（同枱呀？）係呀！大家都坐head table。（會唔會尷尬？）唔係嘞，咁大個人。（之之話已放下？）咁咪好囉，恭喜佢。」她表示事前不知道會同場兼同枱，但其實之前都有見面，因為大家有很多共同朋友。
問到其他好友有沒有做和事老？嘉玲續說：「唔好將件事化大，唔好撩事鬥非。 （大家唔清楚內容嘛？）其實我都唔係好知個內容，你哋應該知得多過我，唔好夾硬整到有啲嘢咁！（之之話淡化咗事？）其實冇事，我哋呢啲age，最緊要健康快樂，順番條氣啦，自在啲！」問到會否幫襯之之的睡衣生意？她指自己向來喜歡shopping，有合適都ok，自己也有做時裝。可會跟之之crossover合作做生意？她說：「crossover好遠喎講到，其實女仔都鍾意講時裝、化妝。（咁你哋咪有共同話題可以傾番偈？）我同你都可以傾架！」
唔熟張曼玉
此外，對於女星張曼玉被拍得獨自憔悴放狗？嘉玲聽罷甚大反應說：「其實我哋真係冇見，唔係好熟，係以前一齊拍戲，私下唔熟，（呢個圈）做到朋友好少。（話佢好落寞？）落唔落寞係出面人睇佢， 可能佢內心好充實好豐富，好似啲人話竇唯一個人坐地鐵好落寞，我唔覺喎，我覺得佢好自在，唔好成日將自己眼光價值放喺人身上。」
來源 source: http://hk.on.cc
|
鍾意就快D Share啦！
|
|
|
