張曼玉自從同德籍化妝師Ole分手之後，感情一直空白，不過近年醉心音樂，大前年識咗一個年紀比佢細15年嘅混血band友Adrian，佢哋曾被影到一齊放狗，又返去煮飯仔，張曼玉亦為咗男友打扮得後生啲，仲斥資四千幾萬購入小西灣藍灣半島相連單位共賦同居，點知拍拖1年就分開咗，Adrian更同張曼玉撇清關係，指二人只係朋友。今日有周刊指，張曼玉好鍾意Adrian，同Adrian分手之後，成日「自閉」喺屋企，張曼玉之前成日喺北京做嘢，為咗Adrian先搬返嚟，以為同Adrian係合適嘅人，有計劃過將來，點知最尾都係分手收場，佢之前去咗英國散心，返咗香港亦少搵朋友，日前先被周刊影到佢「出山」，同家姐去大潭放狗。報道話當日張曼玉嚴陣以待，又戴帽又口戴防被認出。報道又指張曼玉形容憔悴，二人同行撚狗變一人落寞放狗令人唏噓云云，仲話佢戒備心好強，但睇相就見到張依然都係咁靚女，不過就同以前一樣咁瘦。張曼玉去年上謝霆鋒節目《十二道鋒味3》講，知所有人講佢唱歌難聽，o依家想畫畫。
《蘋果》第十二屆金話梅電影選舉（Golden Plum）又嚟喇!由今日起，請在以下網址（http://campaign.appledaily.com/goldenplum2017）投票，選出心目中的爛片之霸，截止日期係4月6日，賽果將於香港電影金像獎舉行前夕（4月8日）揭曉。
|
鍾意就快D Share啦！
|
|
|
