網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年3月24日 星期五

【被目擊撐枱腳】傳拍《同盟》堅撻著 陳展鵬當同胡定欣緋聞係宣傳 __,定欣,陳展鵬,展鵬,陳展,胡定欣,

陳展鵬日前被《蘋果》踢爆佢同落選港姐單文柔,到山頂談心(新聞連結:http://bit.ly/2nKV1DR),咁之後就再有報導話佢哋其實已經暗撻咗兩 ...


陳展鵬日前被《蘋果》踢爆佢同落選港姐單文柔,到山頂談心(新聞連結: http://bit.ly/2nKV1DR ),咁之後就再有報導話佢哋其實已經暗撻咗兩個月,仲去到同居階段添(新聞連結: http://bit.ly/2o7Kl2g ),睇落陳展鵬都真係情歸單文柔喎,咁究竟佢有冇同胡定欣拍過拖㗎?定係佢哋只係螢幕情侶咋!睇番陳展鵬同單文柔被爆戀情後,胡定欣接受傳媒訪問時,佢都已經面有難色咁答:「唔亂咁講喇,呢件事同我冇關,身為同事唔應該講咁多、表態,都係佢嘅事。」仲將佢同展鵬嘅關係「定性」為:「一路都係新聞,都係一場同事」最後問定欣會唔會祝福對方搵到女友?定欣顧左右而言他:「每個artist工作都好辛苦,都係想自己有一個開開心心嘅生活,做嘢還做嘢,大家嘅生活都唔應該去干擾,大家喺公司工作就係同事。」點都唔肯送上祝福,反而更似係同陳展鵬劃清界線!(新聞連結:http://bit.ly/2nFtxmv )之但係呢段戀事,真係千絲萬縷,據知展鵬同定欣拍攝《城寨英雄》時,即係「刁蘭」同「拳佬」嘅時候,佢哋真係未真正拍拖㗎,但就係定欣同音樂人男友Terry分手之時,情傷未癒。直至《城寨》出街,胡定欣同陳展鵬拍住上sweet sweet咁一齊宣傳,觀眾又受落,之後兩人仲一齊攞埋視帝視后,當正同台嘅胡定欣舊愛——馬國明冇到。正所謂人非草木,接觸得多,之前再受情傷嘅定欣,不知不覺咁鍾意咗男方,但男方就依然當係宣傳,而大台亦樂見多一pair螢幕情侶,仲搵佢哋再拍一套新劇《同盟》。再次合作,感情就有增冇減,據知農曆新年前佢哋一齊拍《同盟》嗰陣真係撻著呜,不過完成呢部劇後,定欣就開始拍《深宮計》,而陳展鵬就拍《天眼》,但幾密都會走漏風聲,有知情人話有人見到佢着住古裝嘅定欣,同着住時裝嘅陳展鵬喺canteeen食飯,知情人士話,其實唔同劇組嘅人好少會一齊食飯,雖然當時仲有定欣嘅助手,但明眼人都估到佢哋拍拖拖至於單文柔,據知陳展鵬只係同佢拍咗拖幾個月,至於係咪去到同居關係,就只有兩個當事人先知喇!《蘋果》第十二屆金話梅電影選舉(Golden Plum)又嚟喇!由今日起,請在以下網址(http://campaign.appledaily.com/goldenplum2017)投票,選出心目中的爛片之霸,截止日期係4月6日,賽果將於香港電影金像獎舉行前夕(4月8日)揭曉。

胡定欣同陳展鵬宣傳《城寨英雄》時,已經好有默契。(資料圖片) (資料圖片)
有指單文柔同陳展鵬拍咗拖幾個月。(ig圖片) (ig圖片)

來源 source: http://s.nextmedia.com
鍾意就快D Share啦!