阿Sa力撐阿嬌！
藝人蔡卓妍（阿Sa）晚上出席公開活動，穿上皮褸亮相嘅佢輕輕露肩，甚有韻味。阿Sa笑言露少少就可以，要適可而止，笑言：「自我感覺良好就得啦。」問到佢依家感情狀況，係咪有人追求緊？佢就話：「不嬲都有架啦，咪睇少我。（未揀啱？）唔答呢啲，之前古天樂教我唔好回應咁多感情事。」
問到好姊妹鍾欣潼（阿嬌）同內地富二代秦奮傳出緋聞，蔡卓妍就話：「朋友嚟嘅，佢之前都有嚟睇我演唱會，佢哋唔係拍拖。（阿嬌被指介入人哋感情？）唔需要回應，多枝折生。行得正企正。」問到阿嬌有冇向佢訴苦？阿Sa就話：「吓？大家做咗十幾年呢啲濕濕碎，人哋講咩由佢，人生唔係睇呢啲人臉色，要享受人生。」對於有指秦奮嘅女友亦有喺社交網亦有表態，阿Sa就耍手表示唔知道。再追問阿嬌依家有冇拍拖？阿Sa就話：「唔回應，結婚嗰時你哋咪知囉。（咁遲先知）啋，咁樣咒我哋！」
來源 source: http://hk.on.cc
|
鍾意就快D Share啦！
|
|
|