文詠珊（Janice Man）2014年約滿黎明所屬經理人公司轉投太陽娛樂，同時又自組公司增加主導權。過去三年，JM轉攻大陸揾「人仔」，前年已經放風話會買樓孝順雙親，佢自己就同金融才俊男友吳啟楠（Carl）喺大埔比華利山別墅同居。直至上月，JM買樓送父母期票終於兌現，但就有自稱是JM父母入住公屋嘅街坊報料，話JM上月一次過在港島區買了兩個單位，一間是給她父母住，一間就用作收租，全部用JM一個人嘅名購入。讀者又話，JM阿媽同啲街坊講，話因為唔想交返間屋出嚟，所以兩層樓都唔用佢同老公個名買。讀者就覺得咁樣好唔啱，因為JM搵到咁多錢，仲要霸住間公屋，覺得好唔公平。另一位讀者則報料，提供咗JM啱啱用自己名義，以1千萬購入位於跑馬地滙翠臺一個3房2廳單位，單位屬低層、實用面積約690呎，原單位持有人為持有不少物業的Taipan Group。講到有讀者話JM用自己名買樓，因為父母想霸住間公屋，JM接受《蘋果》訪問時話：「買樓係啱啱嘅事，佢哋（指父母）即將都會搬，唔會再喺嗰度住架喇！」JM仲話：「我哋o依家屋都未收，各樣嘢都未（搞），呢間樓係我買嘅，唔係佢哋，我會買俾佢哋住，嚟緊佢哋會搬，唔係所講嘅霸住間公屋。」《蘋果》第十二屆金話梅電影選舉（Golden Plum）又嚟喇!由今日起，請在以下網址（http://campaign.appledaily.com/goldenplum2017）投票，選出心目中的爛片之霸，截止日期係4月6日，賽果將於香港電影金像獎舉行前夕（4月8日）揭曉。
|
鍾意就快D Share啦！
|
|
|