想玩型但係冇錢，灰到爆。
導演鄒凱光於Viu節目《晚吹- 男人講嘢》大談失戀話題，並分享自己於分手後所做過的種種傻事及瘋狂行為，自曝唯一一次「畀女飛」的經歷，他指當時獲悉女友將要和他提出分手，故約會時帶同護照準備「箍煲」，打算乞求女朋友跟他「私奔」，一起離開香港這個傷心地，奈何女友未有半分動搖，轉身離開前更贈他一句：「你拖咗我咁耐，都知我想講咩啦，唔好傻」及後鄒凱光便手持護照到機場，乘搭最快起飛的航班即興去旅行散心，更謂：「當時到機場時接近凌晨，剩番去倫敦嘅航班未起飛，所以就好豪氣掟低信用卡買機票，點知信用卡簽帳額不足，咪好黯然坐通宵巴士離開，落車後仲因為冇現金，要打電話畀朋友求救。」
對於大部份人失戀後都愛到酒吧發洩情緒，但鄒凱光卻表示喜歡到殯儀館治療情傷，因為在靈堂可以盡情大哭「唔怕瘀」，更謂：「夾番少少錢就有粒糖食，又攞番一蚊比你有散紙搭車，搞掂晒！」
來源 source: http://hk.on.cc
|
鍾意就快D Share啦！
|
|
|