【3.26特首決戰】
【本報訊】民怨曾令港人在兩年半前走到中環龍和道，昨晚港人則因團結再次聚集龍和道旁為特首候選人曾俊華打氣。曾俊華在投票日前終極集氣，早上落區接觸市民，晚上愛丁堡廣場集會更被薯粉逼爆，加油之聲震耳欲聾，紛紛高呼「我要曾特首」。曾俊華冀港人記住昨晚大家曾為一個更團結的香港祝願；選情處下風的他仍信心十足，相信奇蹟會發生。
記者：呂浩然 袁楚雙
特首選舉投票日前夕，民望領先的曾俊華昨乘開篷巴士在港島多區集氣，足迹遍及鴨脷洲、太古坊、銅鑼灣及中環，情況恍如林鄭月娥前年乘開篷巴士推銷政改，不同的是當年的批評聲音換成昨日市民高叫的「曾俊華，加油」、「1號」等口號，連曾俊華太太曾黃蓮華及兒子曾雕龍亦成民眾集郵對象。
杜琪峯籲選委憑良心投票
曾俊華的集氣活動尾站設於中環愛丁堡廣場，大會原定曾昨傍晚6時半到場，但4時半已開始有人潮聚集，6時已水洩不通。曾的開篷巴士抵達後，現場市民即歡呼。曾太率先發言，指有競選辦同事笑她是推動曾參選的「幕後黑手」，然後稱：「唔係，黑手點會係我呢？」博得全場掌聲，又指曾勉勵丈夫，若認為參選是值得，她和一對子女會支持到底。曾雕龍聞言即感觸落淚，並與父母擁抱。
導演杜琪峯亦指，相信曾有能力令民主派和建制派好好合作，呼籲選委憑良心投票，「用良心去掟入票箱，決定我哋嘅未來」。前政助羅永聰與曾相擁後分享，指不時提醒曾「唔好做衰仔，幾大都撐落去」，讚揚曾是「找數真君子」。
壓軸發言的曾俊華拿起咪高峯，「震撼呀、震撼呀」、「真係好多人呀」，輕鬆作開場白後，提及兩個月選舉期間發生不少充滿戲劇性的事令他難忘，例如得到非常多市民支持，他亦曾經因而飄飄然，自覺30多年的公務工作無白費。
他期望支持者聽取異議聲時一笑置之，「唔使太過憤怒㗎，更加千祈唔好仇恨」，因為「我哋大家都係生活喺獅子山同埋太平山之下，本來就懂得同自己唔同嘅人共存，呢個先至係真正嘅香港精神」。他續指明白有市民埋怨無票，只能「畀Like」他，表明渴望獲市民支持：「就算我有幸攞到所有選委嘅選票，但冇你哋市民嘅認可又有乜意義呢？」。台下支持者三度報以掌聲，更有人顯得熱淚盈眶。
曾盼賦予龍和道新意義
最後他以手機與台下支持者自拍並有感而發稱，現場附近是龍和道及干諾道，即兩年半前佔領運動的地方，希望昨晚之後賦予該處新意義，「我希望以後大家都會記得，喺2017年3月24號呢個晚上，我哋香港人曾經走埋一齊，為一個更團結、更美好嘅香港作出咗最真誠嘅祝願」，繼而在市民的手機燈海歡送下離開。曾俊華原有演辭包括讚林鄭是有心人及好人，但最終未有讀出。
曾俊華競選辦稱沒統計到場人數，感謝大批巿民出席。據了解，曾營估計有5,000人出席，警方則指有3,500人。而曾俊華昨早強調，沒想過要有多少票才算對支持者有交代，因為一直只想着贏，相信奇蹟會發生。
「薯粉」心聲
【團結力強】
歐小姐：「我係相信曾俊華，喺競選工程可以睇到佢好能夠團結到一個團隊，曾俊華做嘅嘢可能只係公關技巧，但能夠團結一班人做咁出眾同特別嘅嘢，將一班唔關事嘅人團結起來。」
【做好教育】
許小姐：「曾俊華團結唔同派別嘅人機會大啲，亦想教育制度做好啲，取消TSA或BCA，畀多啲選擇我哋嘅小朋友，佢哋功課可以唔使咁多。」
【修補撕裂】
方先生：「佢出嚟時冇人話佢係中央點名叫佢出嚟，佢夠膽講記得番兩年前龍和道發生乜事，希望周日係大奇蹟日，可以令到政府同市民撕裂冇咁大。」
【有商有量】
譚先生：「希望盡香港人最後一分力，睇吓可唔可以改變到選委同中央領導人嘅諗法，感覺佢能夠團結香港人，過去5年打開報紙，每一日都有好唔開心嘅嘢，希望佢推出政策可以有商有量。」
【盼有希望】
林女士：「曾俊華有每一個光譜嘅人支持，唔會側重某一邊，佢選舉工程做得好好，團結、信任、希望，尤其過去5年都見唔到希望。」
|
鍾意就快D Share啦！
|
|
|