吳綺莉憔悴現身。
藝人吳綺莉（Elaine）近日涉刑事恐嚇女兒吳卓林被捕，昨日下午她保釋離開灣仔警署。今日正午她返抵大坑寓所後，於下午兩時許再踏出家門，駕駛其黑色七人車到銅鑼灣，先到一間小型手機店舖，再到一間大型手機品牌連鎖店買電話。略施脂粉的她在停車場升降機門口受訪時，提到外界多數指女兒唔啱，她即維護女兒謂：「一隻酒杯敲唔響嘅。（女兒用鎮靜劑？）呢啲就交畀律師處理啦。」
「嬲完都係你個女」
之後吳綺莉又感概地說：「我諗好多媽媽都同我有同感，除非有好多個細路，如果係第一個就會從中學習。只不過我係做幕前，有時有啲事，好似我去便利店買支酒，都要我去解釋，如果屋企有好多就唔使去買支酒啦。」又希望大家體諒及給予她空間：「你睇到我都震晒，哈哈！」問有冇嬲女兒？吳綺莉即指自己沒有：「嬲完都係你個女，如果每個人唔嬲就唔會有事發生。」
笑言要食鎮靜劑
問會否擔心女兒一到18歲便會搬走？吳綺莉似乎真的不太擔心：「冇喎，冇得擔心，個個細路都試過18歲，我都係17、8歲入娛樂圈。」又指自己正與女兒一同學習：「大家都有錯，要一齊學習。（怕唔怕女兒受鎮靜劑影響？）唉，我依家就要食鎮靜劑喇！其實冇嘅，依家真係要大家協調，只不過係同阿媽嗌兩句。」她又承認自己脾氣較差，需要學習去提高EQ。
避談女兒離家出走
直至下午三時半許，吳綺莉自銅鑼灣駕車返回寓所。落車時，記者問女兒是否曾離家出走？她唉聲嘆氣謂：「唉，唔講喇，經一事長一智」提到有人建議她送女兒出國讀書，她就指未商量，但指逃避非解決問題的好方法。提到女兒曾吸煙，她即謂：「政府忠告市民，吸煙危害健康。」隨即急步返家。
來源 source: http://hk.on.cc
|
鍾意就快D Share啦！
|
|
|