恭碩良雙手環抱憶蓮，用個身幫女友擋風！
娛樂偵訊
慶祝《歌手》封后 恭碩良雨中環抱憶蓮
上週六（四月十五日），林憶蓮以大熱姿態，在《歌手》第五季總決賽中奪冠成為歌王，完成三個月緊張賽事，在公在私給憶蓮最大動力與支持，肯定是鼓手兼男友恭碩良，知道憶蓮緊張今次比賽，恭碩良就陪女友去睇戲減壓，其間更用雙手環抱憶蓮，用身體俾憶蓮最大鼓勵！
成為歌王
自今年一月宣布出戰《歌手》第五季，已經有傳憶蓮是內定的冠軍人選，終於經過三個月過關斬將，上週六的總決賽，憶蓮搵來張惠妹做幫唱歌手，憑《也許明天》揮低眾參賽者成為歌王。
一直陪住憶蓮飛往湖南出賽的恭碩良，呢晚就拖實憶蓮到達數碼港戲院睇戲，原來憶蓮一早已用信用咭訂好飛，一到戲院便一支箭去攞飛，恭碩良就去排隊買爆谷，兩個人分工合作，非常合拍。
拖實排隊
攞完飛憶蓮去會合男友，雖然已經拍拖五年，但兩人依然勁恩愛，全程十指緊扣拖到實，由於買嘢食排晒長龍，兩人排了一輪條龍都無乜點郁，套戲又已經開場，恭碩良緊張到不時睇錶，又交張飛俾女友着她入場先！
不過，憶蓮唔捨得掉低男友自己排隊，最後決定放棄，一齊入場，不過中途恭碩良就一個人出來買爆谷氹女友。
散場時已接近凌晨，離開戲院落住毛毛雨兼且勁大風，恭碩良即化身成猛男護花，將女友攬入懷中，更一度雙手環抱憶蓮，變連體嬰行去攞車。
外表 man爆的恭碩良，雖然比憶蓮年輕十一年，但對女友呵護備至，令憶蓮變成小女人。
「阿 Jun父母一早離婚，令佢對婚姻無信心，阿 Jun已經表態唔會結婚，雖然係咁佢好識氹憶蓮，成日叫女友 My Girl、 My Sun，俾憶蓮有初戀感覺，佢兩個真係相處得好開心！」知情者說。
齋愛音樂才子
入行 32年的林憶蓮，感情生活豐富，但正式承認的男友只有四個，全部都是音樂人。
李宗盛
92年與台灣有婦之夫音樂人李宗盛合唱《當愛已成往事》火速撻着，拍拖期間憶蓮將大部分歌曲的填詞、作曲及製作都交由李宗盛包辦。 98年，林憶蓮宣布奉女成婚，二人於加拿大拉埋天窗，並誕下女兒李喜兒， 04年，宣布結束六年情。
撰文：娛樂組
攝影：陳亦龍、楊紫、瀚鍾
|
鍾意就快D Share啦！
|
|
|
