掃呢頁CODE去手機

2017年4月20日 星期四

四太未開綠燈 何猷君 CoCo連體嬰又攬又餵 [壹週刊 - 1415] __,猷君,梁安琪,四太,何猷君,M1,

拖手何猷君拖實女友袁紫僑(CoCo)睇戲拍拖。名人動態四太未開綠燈 何猷君CoCo連體嬰又攬又餵賭王何鴻燊四房孻仔何猷君,去年同少女標本成員袁紫僑(C ...


拖手

何猷君拖實女友袁紫僑( CoCo)睇戲拍拖。

名人動態

四太未開綠燈 何猷君 CoCo連體嬰又攬又餵

賭王何鴻燊四房孻仔何猷君,去年同少女標本成員袁紫僑( CoCo)相戀後,一對小情侶人前人後都愛得甜蜜,可惜近兩個月二人因工作關係聚少離多,上個禮拜(四月一日),難得齊齊返港放假,猷君即爭取時間陪女友拍拖睇戲,入場前,二人旁若無人拖完又攬,十足連體嬰一樣,好寃氣!

連體嬰拍拖

何猷君上年同袁紫僑( CoCo)在萬聖節 po相公開戀情後,就經常不避忌地連體嬰拍拖,可惜最近 CoCo為兼顧內地美容品牌生意,經常中港兩邊走,令到一對熱戀情侶聚少離多,好彩猷君好識 do,不時人肉速遞到內地陪女友,又會花盡心思搞驚喜冧女友,上週六(四月一日),二人齊齊返香港放假,他們即刻把握時間到數碼港拍拖,當日戴着 cap帽口罩嘅 CoCo同猷君現身數碼港戲院睇戲,猷君拖實女友先去買戲飛,之後二人再行去小食部排隊買嘢食, CoCo負責揀小食,猷君負責俾錢,合拍度爆燈!入場前 CoCo已經急不及待親手餵男友食爆谷,猷君隨即挨住女友,再睇準周圍冇乜人,猷君就肉緊攬實 CoCo,一對小情侶當街扭作一團,旁若無人!

摸面

排隊買小食期間, CoCo出手撫摸猷君面珠撒嬌。

攬實

被 CoCo摸完面珠,猷君冧到肉緊攬實女友。

挨住

入場前, CoCo掛住玩電話,猷君即挨住女友膊頭睇埋一份。

餵食

CoCo一手拎起幾粒爆谷餵男友猷君食。

見晒家長

據知,對女友 CoCo愛不釋手的猷君已經帶過女友見阿媽梁安琪,但 CoCo似乎未過四太關,早前四太被問到想不想猷君與 CoCo結婚,她即激動表示:「嘩!咁快?猷君依家仲創緊業,結婚嘅嘢慢慢嚟。」似乎四太未為戀情開行綠燈。

「四太起初好擔心猷君掛住拍拖唔上進,不過見個仔自從同 CoCo拍拖之後個人反而變得有交帶,而家仲準備創業,好多嘢都自己一手一腳做,加上 CoCo自己屋企本身都有錢,生意上面都俾咗好多意見同動力猷君,其實四太都睇得出!!」知情人士透露。

猷君經常花心思氹女友,今年二人度過第一個情人節,猷君就送上 500枝玫瑰給 CoCo驚喜,認真浪漫。

CoCo同猷君因工作關係聚少離多,每次返港放假,二人都把握時間二人世界。

猷君已經帶埋 CoCo見四太梁安琪,但四太似乎未為新戀情開綠燈。

撰文、攝影、攝錄:娛樂組


鍾意就快D Share啦!