好戲係有原因嘅！
早前憑無綫熱播劇集《心理追兇Mind Hunter》爆紅的何遠東，於將軍澳與馬海倫(Helen)及王歌慧齊齊設飯局宴請劇組。期間眾人提及拍攝點滴，何遠東自爆靠「臭味」戲服入戲，不惜事前以牛腩汁搽身，更將混雜臭汗的戲服着足三日唔換！他說：「事前將牛腩汁搽滿雙手同埋個身，仲特登唔敢洗戲服。件衫有牛腩汁同汗水，着足3日！」問他於劇集播出後是否獲得更多工作？何遠東笑言吸納不少師奶fans：「我會努力做好每個工作，依家有廣告傾緊，佢哋話我個樣好親民，因為好多媽咪好同情我同好錫我！（憑角色攞獎？）一步一步嚟，我唔心急。」
摑到王歌慧飛出鏡
而扮演其母親的Helen就對何遠東及王歌慧讚不絕口，又稱拍攝掌摑王歌慧戲份時摑到對方面留指印：「今日算係小型煞科宴，好開心阿仔同阿女做得好。當時第一次演戲嘅王歌慧仲畀我摑咗五巴，佢第一次畀我摑到有手指印，第二次畀我摑到出咗鏡！」旁邊王歌慧被問到有否被摑到臉腫？她說：「冇，海倫姐好錫住我，仲教我做戲！」
夾錢食飯
提到是次飯局由誰請客？馬海倫就要由演員們齊齊夾錢，包括身處異國拍旅遊節目的楊明：「我哋夾份請工作人員食飯，主角馬國明，思貝都開緊劇。楊明就出國拍旅遊節目，佢傳短訊嚟話要夾埋錢。」
來源 source: http://hk.on.cc
|
鍾意就快D Share啦！
|
|
|
