網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年4月27日 星期四

城城結婚了 熊黛林悶悶不樂 [壹週刊 - 1416] __,熊黛林,郭富城,城城,M1,

孖住老公同奶奶行海邊吹海風,雖然阿Lynn繑實老公,但就全程表現得滿懷心事。同你吟一吟城城結婚了 熊黛林悶悶不樂51歲郭富城日前同29歲內地女模方媛( ...


孖住老公同奶奶行海邊吹海風,雖然阿 Lynn繑實老公,但就全程表現得滿懷心事。

同你吟一吟

城城結婚了 熊黛林悶悶不樂

51歲郭富城日前同 29歲內地女模方媛( Moka)拉埋天窗,而且仲要係雙喜臨門,天王正式封盤做人夫!至於城城前女友熊黛林( Lynn),雖然做唔成「城嫂」,但係都做到「郭太」,同坐擁億萬身家的郭可頌結咗婚,過住幸福生活,阿 Lynn仲放晒口風話雞年大計係想生 B添!

不過話晒做咗天王地下情人做足 7年,最後仲要係不歡而散,雖然自己已經泊咗個好碼頭,但睇見前度結婚時, Lynn心情似乎都有啲複雜!日前阿 Lynn孖住老公同奶奶喺屋企附近食晚飯,平時對住老公一定四萬咁口嘅阿 Lynn竟然全程都愁眉苦臉,無論老公同佢講咩,佢都愛理不理,不停將啲嘢食塞入口,實行醫飽個肚就算。晚飯後一行三人就入咗間日本料理買刺身,唔知係咪見老婆成晚都悶悶不樂,郭可頌喺返屋企前就捉實老婆同媽咪齊齊行海邊吹吓海風。都啱嘅,等啲海風吹醒自己,就知道咩叫「過去會過去的」,阿 Lynn珍惜眼前人,千祈唔好再望返轉頭

51歲郭富城上星期二( 18/4)同 29歲內地女模方媛( Moka)喺半島酒店豪擲百萬搞婚宴。

平時阿 Lynn對住老公一定四萬咁口,但呢日阿 Lynn竟然苦口苦面,究竟受咗咩刺激呀?

晚飯期間,阿 Lynn只顧將食物塞入口醫飽個肚,完全無加入老公同奶奶話題。

起初阿 Lynn仲同老公行到離行離列。

當記者問到會否祝福前度郭富城同 Moka結婚時,阿 Lynn即掩面表示:「我之前已經答咗!」

撰文︰八珍


鍾意就快D Share啦!