網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年4月27日 星期四

老公體貼扶出扶入 孫慧雪佗 B五個月暴脹 [壹週刊 - 1416] __,孫慧雪,M1,

阿雪無論行到去邊,Edwin都緊張捉實老婆手臂,真體貼!娛樂偵訊老公體貼扶出扶入 孫慧雪佗B五個月暴脹「無綫咪神」孫慧雪去年八月閃嫁生意人羅天彥(Ed ...


阿雪無論行到去邊, Edwin都緊張捉實老婆手臂,真體貼!

娛樂偵訊

老公體貼扶出扶入 孫慧雪佗 B五個月暴脹

「無綫咪神」孫慧雪去年八月閃嫁生意人羅天彥( Edwin Lo),婚後一擊即中,話咁快有餡,升呢做少奶奶,阿雪暫停拍劇,專心服侍老公。

日前阿雪孖老公約埋朋友,一行四人到淺水灣開餐。佗住五個月 B的阿雪明顯發福,手腳都出現浮腫,行路仲有啲論盡,不過好彩老公夠體貼,扶出扶入呵護備至,睇嚟「女神」今次真係搵到 Mr Right喇!

孖住放狗

預產期今年八月,據知阿雪已向公司備案,完成手頭上工作,就專心安胎,呢段時間廿四孝老公 Edwin隨傳隨到,貼身服侍老婆。早前阿雪一身街坊裝,同老公在嘉亨灣寓所附近放狗,著住鬆身衫亦明顯見到五個月肚相當巨型,身形都發脹咗唔少。其間 Edwin做阿四,左手拎一袋,右手拎一袋,阿雪就負責拖住狗隻,沿途 Edwin都小心翼翼護實老婆,在公園行咗一個圈,兩公婆就折返寓所。

上年八月,阿雪閃嫁富二代 Edwin,話咁快有埋餡。

佗 B後的阿雪虎背熊腰,發脹咗幾個碼。

老公扶實

相隔三日,兩公婆又孖公仔在淺水灣的一間西餐廳開餐,同行仲有兩位朋友,大肚婆似乎相當好胃口,邊食邊吹水,食到尾聲,大肚婆唔願走,繼續雞啄唔斷,仲時不時伏在老公膊頭一副冧樣。

醫飽肚一行人離開餐廳,見到樓梯級, Edwin即緊張出手捉實老婆,行到邊就捉到邊,去到商場,阿雪人有三急,要去廁所, Edwin又守在廁所門口等老婆。

傾偈傾得興起,阿雪挨實老公,一副冧樣。

大肚婆時不時喺 Ig晒肚。

谷奶升 cup

入行十年,阿雪靠 33C突出上圍,俘虜唔少宅男。女神升呢做人妻兼人母,但講到明「封盤」唔「封咪」,遲吓仲會影大肚寫真益街坊。

講得出做得到。日前阿雪在 Ig po近照,不過唔係晒肚,而係晒谷奶上圍。相中的阿雪身穿比堅尼,原本坐擁 33C上圍的她,因為谷奶再升一 cup,連她都不禁讚嘆自己的身材:「懷孕的時候,大概是人生中身材最好的時候。」

早前兩公婆孖住落街放狗,大肚婆唔行得耐,在公園行咗一個圈就返歸。

女神「封盤」唔「封咪」,早前在 Ig上傳谷奶升 cup相益街坊。

撰文:娛樂組

攝影、攝錄:陳亦龍、李溢敏


鍾意就快D Share啦!