網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年4月27日 星期四

女細老婆嫩 供 500萬教育基金 半百魏駿傑開泰菜館揸後鑊 [壹週刊 - 1416] __,魏駿傑,M1,

開鋪做泰菜,當日發現魏駿傑連廚房後鑊都要做,對住熱辣辣爐火,煮到身水身汗。娛頭女細老婆嫩 供500萬教育基金 半百魏駿傑開泰菜館揸後鑊49歲的魏駿傑, ...


開鋪做泰菜,當日發現魏駿傑連廚房後鑊都要做,對住熱辣辣爐火,煮到身水身汗。

娛頭

女細老婆嫩 供 500萬教育基金 半百魏駿傑開泰菜館揸後鑊

49歲的魏駿傑,家有 29歲重慶少妻張利華和 6歲囡囡,要積穀防饑,搏命做勤力如牛。不但頻頻北上登台搵銀,又在內地搞木材生意,最近更發現他靜靜雞開泰菜館謀多條後路,後鑊都要做,身水身汗。

有云:「養一個小朋友要四百萬」,女細老婆嫩的魏駿傑,單是阿女教育開支已預算花五百萬,加埋身為二千五百萬樓奴,半百魏駿傑的高潮,如「港爸」寫照,為頭家中港兩邊開行 turbo,冇得唞。

親自送外賣

近日有網民爆魏駿傑在開設的餐廳親自招呼客人,上週本刊發現他在西貢海灣酒店附近開六千呎的泰菜館「泰道」,據知魏駿傑今次豪掟七位數,新開張期間,差不多天天親自落場打點。為冧客,做活動布景板任影唔嬲,見 order多,後鑊都做埋,在廚房切菜炒餸有板有眼,樓面、廚房兩頭騰,做到身水身汗。

本刊記者上前訪問,對於一腳踢,他說:「依家世界難撈,乜都做管埋廚房就要落手落腳做。我一向喜歡煮嘢食,係隱世廚神,我煮的話比好多廚師仲好食。」

由於食肆對正沙灘,他打算遲些做埋沙灘客,唔介意為吸客做埋外賣仔,賺到盡。「我會自己送外賣去沙灘,為生意豁出去」

執料、切菜,乜都落手落腳做。孭住層貴樓,又要養女,做老闆的他賺的是血汗錢。

藝人是最好生招牌,故當日他埋枱冧客,又做人肉布景板任影唔嬲,服務態度一流。

當日午市旺,故應付完出菜,他又撲出樓面招呼客人。

魏:個女讀書、雜費貴

做北漂搵到錢,但半百魏駿傑仲好搏,皆因他孭住一個一千七百萬物業,加上要為囡囡供五百萬的教育基金,擔子重。為開源又不想與妻女經常分隔兩地,魏駿傑寧願在港做多瓣。

「錢幾時都要賺,香港乜嘢都貴,個女讀書、雜費都貴。」據悉魏駿傑安排寶貝女入讀九龍塘名校。

女細老婆嫩,雖然為她們未雨綢繆,魏駿傑卻反對成功需父幹。「肯定反對,我自細到大字典只有成功靠苦幹,個女唔知我幫佢供五百萬基金,唔好等佢認為老豆大把,咁會 hea住做。」

08年娶內地嫩妻張利華,有埋囡囡 Jessica,魏駿傑從此定性,為頭家日做夜做。

自言老來得女,故視她如命根,經常湊女,讓老婆遊山玩水。

再搵一筆買地起樓

開業不久,餐廳生意不錯,他估計好快回本,密密搵錢,原來他打算再賺多桶金之後,計劃和發展商合作,買新界地起樓。

魏駿傑積極搵銀,老婆張利華也在網上賣衫賺錢買花戴。之前婚姻亮紅燈,經歷風浪,現在感情更勝從前。

老婆變咗

「老婆有嚟餐廳幫手,大家都成長咗,華華變好咗好多,佢嘅改變好大。不論對我嘅語氣,同對呢頭家嘅投入感。」成功挽救婚姻,九年夫妻情,魏駿傑覺得最重要男人識退讓。

「改變唔到佢,不如我改變自己。我作為一個男人好多缺點,有邊個唔嗌交,嗌完交之後,最緊要冷靜,唔好衝動。對同錯都好,男人有天職去讓女人,老婆永遠是對的。有時鬧交講句:『女俠饒命呀!』講吓笑咪輕輕帶過。」

今年

早前兩公婆被發現在淺水灣食飯慶祝結婚周年,魏駿傑行浪漫,送花兼幫老婆影靚相。其妻近年做網上時裝,賺錢買花戴之餘,對家庭亦更投入,早前發現她在西貢湊女。

前年

前年細廿年的嫩妻與前港隊單車名將鄧宏業傳緋聞,婚姻一度亮紅燈,之後魏駿傑買下千萬大屋箍煲,又給老婆有事業空間,雨過天晴。

恨返 TVB?

其實他是愛妻號,兩個物業都加老婆名,而且過時過節例必慶祝。「有風波咪打吓抗生素,做多啲嘢囉,不過年年紀念日我都煎心形安格斯,送九十九枝玫瑰,呢啲嘢我唔會唔記得。」

登台,賣木材,做食肆身兼三瓣,問他想不想重返 TVB拍劇搵多筆,他笑住𦧲飯應:「幫我搭吓路,邀請珍姐、珊姐嚟食餐飯,戲癮好痕。建議搵我最愛嘅監製王心慰拍《闔府統請》下集,搵番舊拍檔王喜、張兆輝。」

近年好多舊將返大台拍劇,問魏駿傑會否回巢,佢抵死咁話:「咁要請珍姐(曾勵珍)同珊姐(余詠珊)食餐飯先。」

昔日在大台拍下不少經典劇,其中做主角嘅《金裝四大才子》,當年陣容,係今日兩位影帝林家棟同張家輝,仲有福將歐陽震華。

他在《棟篤神探》拍住黃子華好有火花,角色「羅密歐」令人回味。

全海景六千呎 三十萬租

魏駿傑呢鋪投資七位數嘅瞓身作「泰道」,位於西貢海灣酒店鄰近,餐廳戶外內座位都對住無敵海景,六千呎鋪要月租三十萬。二樓 VIP房有得唱 K。

網民幫襯完魏駿傑的泰國餐廳,在「 OpenRice」及「西貢日報」 fb俾讚。

王牌菜

當中王牌菜,有魏駿傑揸後鑊煮的「黃金菜」,平日多數食泰式通菜,但這裡將通菜炸成香脆可口。$148

「泰式燒雞」即叫即燒,上枱時熱辣辣香味撲鼻,皮脆肉滑,難怪是王牌菜之一。$168(半隻)

拍檔有朵

記者上前訪問,魏駿傑大方講生意經同時仲拉埋兩位拍檔,左一的仁哥及右邊的錡哥,原來是尖沙咀出名泰國餐廳「泰斗」的老闆。另一位冇現身的股東,是西貢拾鄉協會主席李觀榮(圓圖)。

今年三月,魏駿傑同幾個股東開公司,名為「泰山飲食集團」,睇嚟唔只開一間泰菜餐廳咁小嘢。

店鋪另一王牌,是型男助陣,有樓面靚仔, Bartender外形都殺食。

有樓有高潮  1700萬樓奴

娶嫩妻的魏駿傑,與老婆一直租住西貢早禾坑村屋,直至 13年買入第一嚿磚頭, 800多萬的九龍城匯賢閣,有樓揸手亦預埋老婆份,聯名持有,至去年底賣出,只賺 50萬。 15年婚姻亮紅燈,挽救家庭的他再同老婆聯名購入 1700多萬的西貢北港獨立屋作愛巢,成功箍煲。

估佢唔到

當年魏駿傑與滕麗名拍《陀槍師姐》撻着,拍拖長達九年,到 07分手收場。男方因此被指花心,未幾被踢爆有新歡張利華(現為妻子)。

世事無絕對,被指花弗的魏駿傑比滕麗名更快安定。 10年娶嫩妻,從此修心養性,愛家的他不時被影到湊女買餸,反而滕麗名情路迂迴,曾搭上有婦之夫郭政鴻,之後與金融才俊朱建崑拍拖,又鬧出有正印。最後滕麗名成為贏家, 13年當人妻。

13年, 37歲的滕麗名標尾會,下嫁金融才俊朱建崑。

魏駿傑與她曾拍拖九年,之後情歸重慶的張利華,比前度還要快修心養性。

撰文、攝影、攝錄:娛樂組


鍾意就快D Share啦!