【劉鑾雄講大劉（18）】大劉論盡摯友 彤叔亦師亦友 痛心羅兆輝染不良嗜好 __,劉鑾雄講大劉,劉鑾雄,大劉,

大劉與新世界創辦人鄭裕彤，當年均是「鋤Dee會」的活躍份子。當年彤叔是鋤Dee會的首領人物，鐵腳包括大劉、楊受成、恒大地產主席許家印，以及中渝置地主席 ...

大劉與新世界創辦人鄭裕彤，當年均是「鋤Dee會」的活躍份子。當年彤叔是鋤Dee會的首領人物，鐵腳包括大劉、楊受成、恒大地產主席許家印，以及中渝置地主席張松橋等。據知鋤Dee飯局多在灣仔皇朝會、遊艇上、大劉或彤叔家中舉行，一周聚頭兩次。由於彤叔愛鋤Dee，高峰期試過一星期開足4、5次啤局，眾富豪的「Dee腳」由下午3時開局，玩到翌日早上6點才散。【最敬重彤叔：佢影響我好大！】

大劉與彤叔相交多年，感情深厚，去年彤叔過世時，大劉即使病重，仍堅持撐拐杖送別。說起彤叔，大劉相當敬重：「佢做人一流，一流！講真，我以前啲脾氣又硬頸，又炮仗頸，又臭檔，佢影響我好大，喺脾氣方面，收歛咗好多，佢真係我良師益友。唔係擦佢鞋！「做生意，佢比較小心啲，穩陣啲，對我大影響就冇，不過都會向佢學習。」大劉稱。【痛憶「神童輝」：「索嘢」斷送一生】

彤叔已作古，另一個大劉痛惜的朋友——有神童輝之稱的羅兆輝，2011年，在東莞悄然離世。終年47歲。2000年12月21日，坐擁十億身家的神童輝在遊艇自殺獲救送院，大劉親往探望。2002年3月，臉上長了巨型毒瘡的羅兆輝大鬧巴黎，經歷一段癲狂歲月，又爆富豪秘聞、還邀記者到其下榻之酒店詳談做專訪，其中一個獲邀的記者就是甘比。當年羅兆輝大鬧巴黎，大劉曾委托甘比代為照顧：「嚴格嚟講唔想講太多，佢主要缺點係鍾意索嘢，當一個人索嘢，你個思想唔清晰，唔理智，呢樣先最『擇使』，好似我哋成日都講，我煙仔都唔食，唔好話索嘢，咁蠢嘢點會做呀，個個人思想唔同。」【政協常委何柱國：佢幫我教仔】

除彤叔及羅兆輝外，大劉相當珍惜識了30多年的廠家朋友：「大家交情好深，耐唔耐一個禮拜最少食一、兩次飯，交流做人心得，投資方面交流意見。」全國政協常委的何柱國亦被大劉視為好重要的朋友，更做橋樑改善他與長子劉鳴煒的父子關係：「佢好關心我，對我影響好深，當我自己人，有乜嘢事出言勸我。有時我臭脾氣硬頸同臭檔，佢成日為我好，俾意見我。」「最緊要係，我個仔（劉鳴煒）大部份時間都唔聽我意見，佢講嘢影響我仔好大，而我個仔大部份都聽佢講，幫我教仔，令我個仔好似唔係成日硬頸、唔聽話，令到我個仔早啲成熟，同我關係慢慢改善好多。」【多年來借逾10億俾朋友】

大劉對經濟有難關的舊朋友，會義不容辭出手，他自言多年來，大大話話都有借超過10億給朋友：「我好肯幫人，講出嚟你唔信，我自己都好辛苦好唔掂先捱到今日咁，中間冇人幫我。我覺得環境惡劣時有人扶一扶，爭好遠嘅，你嗰下頂得到，就翻身，冇人頂，就差唔多拉出去就地正法。」早前大劉得知在加拿大相識40年、已失聯絡的朋友中風，知道他的太太一把年紀要工作補幫生計，即用了兩個星期聯絡對方，匯了500萬加幣給對方買物業及投資：「佢老婆都好慘，由大屋搬細屋，細屋搬到冇地方住咁滯，60幾歲仲要做part time，仲要喺雪茄舖賣雪茄，大唔大劑？唔係60幾歲做生意，係企喺舖賣嘢，我聽見情形真係想標眼淚。我個人幫得到我係幫人，同埋我好信一個命理，你有就自然識搵番，你冇嘅話，慳埋啲錢就始終都進貢畀法蘭西。」

統籌、採訪：陳月媚

攝影：陳俊強

攝錄：NEO、馮嘉銘、吉吉【劉鑾雄講大劉（1）】

獨家 千億富豪劉鑾雄 24歲問家傭借錢入院割膽

http://bit.ly/2ngVqNq【劉鑾雄講大劉（2）】

走過三輪水貨 「風扇劉」血淚史：唔夠半年已經冇錢出糧

http://bit.ly/2obalOj【劉鑾雄講大劉（3）】

遭猶太人出賣 大劉：我係廢柴中嘅廢柴，懵炳中嘅懵炳！

http://bit.ly/2mPTGzh【劉鑾雄講大劉（4）】家道中落 老父開廠俾人呃晒 大劉10歲前冇床瞓

http://bit.ly/2nr56WG【劉鑾雄講大劉（5）】大劉親剖與父關係：初則口角，繼而動武

http://bit.ly/2on7WQC【劉鑾雄講大劉（6）】聘福臨門廚師為家廚 大劉狠批昔日飯堂：依家唔啱胃口！

http://bit.ly/2oLevsv【劉鑾雄講大劉（7）】保鑣變毛巾黨 大劉驚握手：啲男人小完便唔洗手！

http://bit.ly/2oBDr69【劉鑾雄講大劉（8）】渣甸山大業主帶鎚仔收樓：扑爛咗，再做過！

http://bit.ly/2nzVt76【劉鑾雄講大劉（9）】大劉鬧廢青：叫佢咪去旅行？仲慘過殺佢老竇老母！

http://bit.ly/2oBFA51【劉鑾雄講大劉（10）】出手太狠跌200億 大劉：我點會唔怕輸！

http://bit.ly/2p4k31h【劉鑾雄講大劉（11）】首開腔為供股集資解畫 大劉：每次狙擊都係被迫

http://bit.ly/2nSgPh2【劉鑾雄講大劉（12）】股民爭買窩輪牛熊證覺「抵賭」 大劉譏：啲人冇腦吖嘛！

http://bit.ly/2nL2CBy【劉鑾雄講大劉（13）】花逾200億收購珍藏 大劉終於遇上一生最愛

http://bit.ly/2nqQv1A【劉鑾雄講大劉（14）】日日同款藍色Polo恤 大劉一季置裝費幾百萬

http://bit.ly/2olNm2l【劉鑾雄講大劉（15）】換腎悟生死 大劉：搵多幾多，都唔會使得到㗎

http://bit.ly/2pkVXzz【劉鑾雄講大劉（16）】飲水思源難 大劉：有需要嘅時候幫一幫，扶一扶

http://bit.ly/2p34RSE【劉鑾雄講大劉（17）】曾為愛情落錯注 大劉：嘥咗十幾廿年喺無謂女人身上

http://bit.ly/2osUA48

	05年，崇光尖沙嘴分店剪綵，左起：楊受成、鄭裕彤、劉鑾雄、 成龍及劉鑾鴻。　（資料圖片）	留意大劉手中的Panasonic GD88…
2006年12月，建滔積層板控股有限公司上市晚宴，大劉與鄭裕彤應邀出席。 （資料圖片）	彤叔面前，大劉總是一派尊敬的樣子。 （資料圖片）	當年一手提攜羅兆輝出身，可惜…資料圖片）
2000年出席楊黛思婚禮的羅兆輝。 （資料圖片）	大劉講何柱國：「我個仔大部份都聽佢講，幫我教仔，令我個仔好似唔係成日硬頸、唔聽話。」圖為大劉與何柱國2002年出席周大福活動。（資料圖片）	2014年，林建岳何柱國結姻親，大劉、甘比到賀老友。 （資料圖片）

來源 source: http://s.nextmedia.com

鍾意就快D Share啦！

下一篇 》